«Nur-Sultan qalasynyń qurmetti pedagogy» atanǵan muǵalimder 1 mln teńge kóleminde aqshalai syilyqtarmen marapattaldy. Bul týraly elorda ákimi Altai Kólginov áleýmettik jelidegi paraqshasynda jazdy, dep habarlaidy "Ult aqparat".
Altai Kólginov elordanyń úzdik muǵalimderimen kezdesip, olardy kásibi merekesimen quttyqtady.
«El basshylyǵy muǵalimderdiń jaǵdaiyn jasaýǵa jáne olardy qoldaýǵa erekshe kóńil bóledi: 2024 jylǵa deiin jyl saiyn pedagogterdiń jalaqysy 25%-ǵa artyp, biliktilikti arttyrý boiynsha baǵdarlamalar engizildi, sol siiaqty joǵary oqý oryndaryna granttar bólindi. Buǵan qosa qolaily jumys isteý jáne oqýshy oryndarymen qamtamasyz etý úshin jyl saiyn oqý oryndary salynyp jatyr. Biyl 15 mektep salynyp, paidalanýǵa beriledi. Bul shamamen 40 myń oqýshy ornyn qurýǵa múmkindik beredi. Salystyrar bolsaq 2020 jyldan eki ese, 2019 jyldan tórt ese kóp» - dedi ákim jelide.
Sondai-aq ol ustazdarǵa arnap áleýmettik turǵyn úi salyp, turǵyn úi sertifikattar berilip jatqanyn tilge tiek etti.
«Búgin «Nur-Sultan qalasynyń qurmetti pedagogy» atanǵan muǵalimder 1 mln teńge kóleminde aqshalai syilyqtarmen marapattaldy. Bul aqshalai marapat ótken jyldan bastap engizildi. Sondai-aq «Qazaqstan Respýblikasy bilim berý isiniń qurmetti qyzmetkeri» jáne QR BǴM «Y.Altynsarin» tósbelgileri, diplomdar berildi. Al №7 «Aqqý» balabaqshasyna, №85 mektep-litseiine jáne Astana Polytechnic joǵary kolledjine 7 mln teńgeden granttar berildi», - dep toyqtyrdy ol.
