Nur-Sultan qalasynda Almaty men Esil aýdandaryn bailanystyratyn kómir salynady. Bul týraly Nur-Sultan qalasy ákimi Altai Kólginov halyqqa esep berý kezdesýinde aitty, dep habarlaidy QazAqparat.
«Elordada 400 myńnan astam kólik bar. Jol keptelisin týdyrmas úshin joldardy keńeitip, qosymsha jaǵdai jasaý kerek. Qabanbai, Máńgilik el kósheleri men qalanyń eski bóliginde únemi jol keptelisi bolady. Osyǵan orai eki kópirdiń qurylys jumystary bastaldy, endi Táýelsizdiń dańǵylynda úshinshi kópir qurylysy bastalady. Ol Almaty men Esil aýdandaryn bailanystyratyn bolady. Qabanbai batyr dańǵylynyń joly segiz jolaqty bolady, kei jerleri 6 jolaqqa deiin keńeitiledi. Bul jumystardy júrgizý úshin bir jyl jetkiliksiz, sol sebepti eki jylǵa sozylady», - deidi Altai Kólginov.
Sondai-aq, ol Saltanat saraiy, Kerýen siti ǵimarattary jáne Turan dańǵylynda keptelis bolatynyn aitty.
«Qalamyzda káriz júiesine qatysty da máseleler bar. Baýyrjan Momyshuly, Imanov-Imanbaev kóshelerin sý basyp qalady. Osyndai problemasy bar ýchaskelerde jumys bastaldy. Budan bólek sý basyp qalý qaýpi bar 30 jerde jumys isteýimiz kerek. Qazirgi ýaqytta jumys isteý úshin qujattardy daiyndap jatyrmyz», - dedi ol.
