Elordanyń sol jaǵalaýynda sý qubyry zaqymdanyp, turǵyn úiler sýsyz qaldy. Bul jaiynda Astana sý arnasynan málim etti, dep habarlaidy "Ult aqparat".
Kásiporyn málimetinshe, búgin saǵat 17-20-da Bókeihan kóshesi boiynda qubyrdan sý aǵyp jatqany týraly habarlama túsken.
«Oqiǵa ornyna brigada attandy. Tekserý barysynda Uni Capital seriktestiginiń Astana sý arnasymen kelispei jumys istegendigi jáne diametri 500 mm-lik qubyrdyń zaqymdanǵany anyqtaldy. Qazirgi ýaqytta qubyrmen sý berý toqtatylyp, sý sorý jáne sýmen jabdyqtaý júiesin qalpyna keltirý boiynsha jumystar júrgizilip jatyr. Oqiǵa ornynda 9 sý qorǵysh mashina men 1 laisorǵysh tehnika jumys istep jatyr. Qazirgi ýaqytta Bókeihan kóshesi 8, 10 úilerge aýyz sý berý toqtatylǵan. Sý jetkizý uiymdastyryldy», - dep atap ótti Astana sý arnasynan.
