Nur-Sultan qalalyq kópbeiindi №1 aýrýhanasy shtattyq jumys rejimine kóshti. Óitkeni, búgin osy aýrýhanada ashylǵan statsionardan koronavirýs indetin juqtyrǵan sońǵy patsient emdelip shyqqan edi, dep habarlaidy QazAqparat.
«Búgin ókpeniń ekijaqty qabynýymen túsken sońǵy patsient jazylyp shyqty. Ózin jaqsy sezinedi. Táýlik boiy qyzmet kórsetken qyzmetkerlerimizge jáne ujymymyzǵa rizashylyǵyn bildirip otyr. Júkteme óte úlken boldy. Soǵan qaramastan, barlyǵy da judyryqtai jumylǵan ujym bola bildi. Búginnen bastap statsionarymyz shtattyq rejimde jumys isteýge kóshti. Statsionardyń barlyq qyzmetkeri aldyn ala tekserýden (koronavirýsqa test - red) ótti. Baqytymyzǵa orai, nátijeleri teris bolyp shyqty», - dedi atalǵan aýrýhana bas direktorynyń mindetin atqarýshy Marat Ábdýov.
Sonymen qatar ol koronavirýs infektsiiasynyń ekinshi tolqyny oryn alǵan jaǵdaida statsionar kez-kelgen ýaqytta infektsiialyq rejimde jumys isteýge daiyn ekendigin basa aitty.
«Jasandy tynys alý apparatyna qatysty esh problema bolǵan emes. Dári-dármek tapshylyǵyn da aitarlyqtai baiqai qoiǵan joqpyz. Shilde aiynda Reseiden mamandar kelip, mol tájiribelerimen bólisip ketti. Olarmen barlyq máselelerdi jiti talqyladyq», - dedi ol.
