Elordanyń iri saýda ortalyqtaryna táýlik boiy jumys isteýge ruqsat beriledi. Bul týraly Nur-Sultan qalasynyń ákimi Altai Kólginov aitty, dep habarlaidy "Ult aqparat".
«Eger karantin jaiynda aitar bolsaq, biz qaitadan «qyzyl» aimaqqa kirdik. Bul shekteý is-sharalaryn odan ary da qatań baqylaýymyz kerek degendi bildiredi. Osy ýaqytqa deiin jinaǵan tájiribemizdi eskere otyryp, birqatar is-shara qabyldaityn bolamyz. Sonymen qatar jańa tetikter de qoldanǵan jón. Máselen, dálizderdi taryltyp, sýpermarketterge 17-00 nemese 18-00-ge deiin jumys isteýge ruqsat berýdiń logikasy durys. Alaida, tájiribe barlyǵy da sol ýaqytqa deiin saýda jasap úlgerýge tyrysatyndyǵyn kórsetti jáne qarbalas týyndaidy», - dedi elorda ákimi Nur-Sultan qalalyq máslihatynyń otyrysynda.
Osyǵan orai Altai Kólginov elordanyń bas sanitarlyq dárigerimen jáne saýda ortalyqtarynyń basshylarymen bul máseleni sheshý joldary talqylanǵanyn aitty.
«Endi aýmaǵy 2 myń sharshy metrden asatyn iri saýda ortalyqtary táýlik boiy jumys isteýi úshin sheshim qabyldaityn bolamyz. Bul qala turǵyndary, kez kelgen azamat ózine qolaily ýaqytta bara alýy úshin jasalady. Sol kezde dálizderdi taryltpaimyz jáne qarbalas ta bolmaidy. Ásirese, Jańa jyl qarsańynda barlyǵy da dúkenge baryp, úiine qajetti zattar, endi bireýler balalalaryna syilyq alǵysy keledi. Sondyqtan osy máseleni birlesip pysyqtaýymyz kerek», - dedi ol.
