Nur-Sultan qalasynyń Ekonomikalyq tergeý departamenti elorda aýmaǵynda dizel otynyn zańsyz satý fakktisi boiynsha qylmystyq isti aiaqtady, dep habarlaidy "Ult aqparat" QR Qarjylyq monitoringi agenttigine silteme jasap.
Osylaisha, departament qyzmetkerleri jedel-izdeý sharalaryn ótkizý barysynda elordanyń eki turǵynynyń jalpy somasy 14 mln teńgeden asatyn dizel otynyn zańsyz tasymaldaý jáne saýdalaý faktisiniń jolyn kesken. Otyn zańdylyqty rastaityn arnaiy ruqsat berý qujatynsyz satylǵan. Qylmysty uiymdastyrýshylar shartty túrde úsh jylǵa bas bostandyǵynan aiyrý jazasyna kesildi.
Qarjy monitoringi jónindegi agenttik azamattardy janar-jaǵarmaidy kúmándi satý oryndarynan satyp alýdan tartynýǵa úndeidi.
Zańsyz janar-jaǵarmai stansalary, sonyń ishinde zańsyz satylǵan dizel otyny jarylý qaýpi joǵary nysan.
Janar-jaǵarmai materialdaryn zańsyz satý faktilerin anyqtaý jaǵdaiynda myna senim telefony +7 (7172) 70-84-78 nemese Agenttiktiń áleýmettik jelidegi resmi akkaýnttary arqyly habarlasýǵa bolady.
