Elordanyń Dostyq úiinde Alǵys aitý kúnine arnalǵan dóńgelek ústel ótti, dep habarlaidy "Ult aqparat" elorda ákimdiginiń resmi saityna silteme jasap.
Is-sharaǵa QR Prezidenti Ákimshiliginiń, Qazaqstan halqy Assambleiasy hatshylyǵynyń, qala ákimdiginiń, diplomatiialyq ókildikterdiń qyzmetkerleri, QR Parlamentiniń depýtattary qatysty.
Otyrysty elorda ákiminiń orynbasary Baqtiiar Máken júrgizdi.
Óziniń quttyqtaý sózinde ol QR Tuńǵysh Prezidenti – Elbasy Nursultan Nazarbaev belgilegen Alǵys aitý kúni - elimizdiń jalpy tarihyna degen qurmet ekenin atap ótti.
«Memleket basshysy Qasym-Jomart Kemeluly Toqaev Táýelsizdigimizdiń barlyq jetistigi qoǵamymyzdyń birliginiń arqasynda múmkin bolǵanyn erekshe atap ótti. Bul - Qazaqstannyń baǵa jetpes qazynasy». Sondyqtan bul merekeniń negizgi mindeti - jas urpaqqa ǵasyrlar boiy qalyptasqan qundylyqtardy sińirý.
«Búgin Dostyq úiinde túrli etnos ókilderi jinalyp, ózderiniń dostyǵyn, ortaq úii – Qazaqstan Respýblikasyn gúldengen, táýelsiz jáne erkin ómir súrýge degen umtylysyn taǵy bir ret kórsetti. 2021 jyl Qazaqstan Respýblikasy Táýelsizdiginiń 30 jyldyǵy tarihymyzdyń mańyzdy kezeńi bolyp sanalady. Volonterlik, qaiyrymdylyq qaǵidattary Alǵys aitý kúniniń ideialaryna jaqyn. Bul – óz erkimen jasalyp, qoǵamǵa jáne qoldaýǵa muqtaj azamattardyń túrli áleýmettik sanattaryna kómek kórsetýge baǵyttalǵan qyzmet», - dep atap ótti qala ákiminiń orynbasary.
Ol sondai-aq qalanyń barlyq mekemeleri men uiymdary, etnomádeni birlestikteri «30 igi is» qaiyrymdylyq aktsiiasyna belsendi aralasyp jatqanyn atap ótti. Al elordalyq QHA «Alǵys marafony» qaiyrymdylyq aktsiiasyn bastady.
Dóńgelek ústel barysynda QR Parlamenti Májilisiniń VII shaqyrylymynyń depýtaty, Zańnama jáne sot-quqyqtyq reforma komitetiniń múshesi Vakil Nábiev tutas halyqtar qazaq dalasyna qalai jáne qandai jaǵdaida jer aýdarylǵanyn eske saldy.
«San qily qiyndyqtardan aman qalǵandar osy jerde Otanyn taýyp, beibitshilik pen kelisimde ómir súrip keledi. Bastarynda baspanasy bar, balalaryn oqytyp, tárbielep jatyr. Olardyń bári Qazaqstanda beibit ómir súrip júr. Bul jerde búkil respýblika halqynyń zor eńbegi bar. Eń bastysy QR Tuńǵysh Prezidenti – Elbasy Nursultan Ábishuly Nazarbaevtyń ishki jáne syrtqy saiasaty bárinen erek. Men ózim deportatsiialanǵan otbasynyń urpaǵymyn. Qariialarymyz ol zamandaǵy ómir qiyn bolǵanyn áli kúnge deiin áńgimelep otyrady. Kóz aldyńyzǵa elestetip kórińizshi, qazaq halqy 30-jyldarǵy ashtyqtan esterin jiia almai jatyp, ózge ulttardy jyly qabyldady. Osylaisha, qazaq halqy meiirimin tógip, janashyrlyǵyn kórsetti», - dedi ol.
Onyń aitýynsha, Alǵys aitý kúnin merekeleýdegi negizgi maqsattyń biri – óskeleń urpaqtyń boiynda tózimdilik, bir-birine degen qurmet pen dostyq qasietterin tárbieleý, sondai-aq Qazaqstanda etnosaralyq jáne ultaralyq kelisimdi nyǵaitý.
Otyrys barysynda Qazaqstan halqy Assambleiasy janynan qurylǵan Analar keńesiniń jumysy jaily onyń tóraiymy Altynai Táńirbergenova baiandady.
Osylaisha, keńes Dostyq úiiniń bazasynda áleýmettik kásipkerlikti damytý boiynsha «Ana Time» jobasyn iske asyrýda.
«Joba Nur-Sultan qalasynyń Qazaqstan halqy Assambleiasynyń qoldaýymen jáne «Aidyn Nury Qaiyrymdylyq Qory» JQ-nyń demeýshiligimen júzege asyrylýda. Oqytý úsh modýlden turady. Onda áielder psihologiialyq modýlden ótedi. Ary qarai bastan-aiaq ózimizdiń áleýmettik biznesti qalai ashýǵa bolatynyn úiretemiz. Al qorytyndy kezeń – praktikalyq modýl. Onda biz ANA TIME jobasyna qatysýshylarmen birge jumys istep turǵan áleýmettik kásipkerlerdiń óndiristerine baramyz. Qatysýshylarmen tyǵyz qarym-qatynas ornatý jáne sharttar jasasý úshin naqty bir oryndy nemese belgili bir netvorkti uiymdastyramyz. Ai saiyn jobadan 20 áiel ótedi. Oǵan 6 aida jalpy sany 120 adam qatysady», - dedi A.Táńirbergenova.
Is-shara sońynda qatysýshylarǵa Nur-Sultan qalasy ákiminiń Alǵys hattary tapsyryldy.
