Nur-Sultan qalasynyń Bas memlekettik sanitarlyq dárigeri Janna Pirálieva astanalyq turǵyndar arasynda koronavirýs infektsiiasy aýrýlarynyń taralýynyń aldyn alý jónindegi qosymsha sharalar týraly qaýly qabyldady, dep habarlaidy "Ult aqparat".
Elorda Bas memlekettik sanitarlyq dárigeriniń qaýlysymen birqatar sharalar atalyp ótken.
1. Qala turǵyndaryna, uiymdar men kásiporyndardyń basshylaryna, menshik nysanyna qaramastan, karantin aiaqtalǵanǵa deiin:
1.1. 2 jáne odan da kóp adamnyń birlesip serýendeýi kezinde maskalardy mindetti túrde kiiý jáne 2 metrden kem emes áleýmettik qashyqtyqty saqtai otyryp, turatyn jerinen erkin shyǵýǵa ruqsat etiledi;
1.2. aýlalarǵa shyǵýǵa jáne saiabaqtarǵa, alańdarǵa, skverlerge, jaǵalaýlarǵa maskalardy mindetti túrde kiiýmen 3 adamnan aspaityn toptarmen nemese bir otbasy múshelerine 2 metrden kem emes áleýmettik qashyqtyqty saqtai otyryp barýǵa ruqsat etiledi;
1.3. saiajai ýchaskelerine (qala syrtyndaǵy úilerge) barý úshin eldi mekennen kirýge/shyǵýǵa ruqsat etiledi;
1.4. qoǵamdyq oryndarǵa, sonyń ishinde qalalyq qoǵamdyq kólikterge jáne qyzmeti ruqsat etilgen obektilerge barǵan kezde maskalardy,qolǵaptardy kiip júrý jáne antiseptikterdi paidalaný boiynsha talaptardy qatań saqtaý;
1.5. otbasylyq eske alý, ádet-ǵuryp jáne ózge de is-sharalar ótkizýge, keiteringtik qyzmetter kórsetýge jáne merekelerdi uiymdastyrý jóninde qyzmetter kórsetýge tyiym salynady.;
1.6. №37 BMSD BMSDQ-nyń 15-qosymshasyna sáikes taksi jáne qyzmettik kólik júrgizýshileriniń maskalardy, qolǵaptardy mindetti túrde kiiýmen jáne teri antiseptikterin qoldanýmen jeke, qyzmettik avtokólikti jáne taksidi shekteýsiz paidalaný ruqsat etiledi.;
1.7. kásipkerlik sýbektileri men uiymdar menshik nysanyna qaramastan, №37-BMSD BMSDQ-nyń qosymshalaryna sáikes karantindik jáne shekteý is-sharalaryn qatań saqtaý qajet;
1.8. kásipkerlik sýbektileri men uiymdar menshik nysanyna qaramastan, personal men kelýshilerdiń karantin talaptaryn jáne shekteý sharalaryn saqtaýyn qatań baqylaýdy qamtamasyz etsin.
2. Nur-Sultan qalasynyń ákimi (A.S.Kólginov), Nur-Sultan qalalyq Investitsiialar jáne kásipkerlikti damytý basqarmasynyń basshysy (BekmurzaevE.Ý.), «Atameken» kásipkerler ulttyq palatasynyń basqarma tóraǵasy (Myrzahmetov A. I. ), kásipkerlik sýbektilerine:
2.1. 2020 jyldyń 25 mamyrynan bastap eldegi tótenshe jaǵdaidyń aiaqtalýyna bailanysty qyzmeti qalpyna keltirilgen kásipkerlik sýbektileriniń (obektileriniń) jumys rejimin ózgertýdi osy sýbektiler (obektiler) úshin TJ rejimi engizilgenge deiin belgilengen jumys kestesine sáikes, №37-BMSD BMSDQ-sy bekitken algoritmderge sáikes kúsheitilgen sanitariialyq-dezinfektsiialyq rejimdi mindetti túrde saqtai otyryp, monsha men saýnalardy qospaǵanda: jumys kúnderi jumys rejimi saǵat 9.00-den bastap saǵat 18.00-ge deiin, demalys kúnderi saǵat 9.00-den 21.00-ge deiin, qoǵamdyq tamaqtaný obektileri jáne saýda oiyn-saýyq ortalyqtary úshin jumys rejimi 19.05.2020 jylǵy 172-BMSDQ-nyń qosymshasyna sáikes anyqtalady.
2.2. zalǵa 50 adam otyratyn orynnan aspaityn oryndyq ornata otyryp, jobamen 50 adam otyratyn oryny bar dámhana men meiramhanalardyń jumysyna ruqsat etilsin jáne bir mezgilde kelýshiler otyratyn oryn sanyna sáikes, kórshi ústelderdiń shetki oryndary arasyndaǵy 2 metrden kem emes áleýmettik qashyqtyqty saqtai otyryp, ujymdyq is-sharalar ótkizýge jáne banket pen saltanatty zaldardyń jumysyna tyiym salynady.;
2.3. COVID-19 syrqattanýshylyǵynyń tolyq tómendeýine deiin Ulttyq Olimpiada komitetinde akkredittelgen sport bazalaryn qospaǵanda, ulttyq qurama komandalardy Olimpiadalyq jáne paraolimpiialyq oiyndarǵa daiarlaý úshin paidalaný kezeńinde ǵana túngi klýbtardyń, fitnes-klýbtar men zaldardyń, trenajer zaldarynyń (ortalyqtarynyń), SPA-salondardyń, massaj kabinetteriniń, kosmetologiialyq kabinetterdiń, klinikalar men ortalyqtardyń, mektepten tys qosymsha bilim berý uiymdarynyń (damytý ortalyqtary, bilim berý ortalyqtary, úiirmeler jáne t. b.), kompiýterlik klýbtardyń, sport keshenderiniń (úiirmelerdiń, sektsiialardyń jáne t. b.) qyzmetine tyiym salý;
2.4. Nur-Sultan qalasynyń aýmaǵynda júzetin serýendeý keme quraldardyń sý obektilerindegi jumysyna tyiym salý;
2.5. kóshe saýdasynyń kez kelgen túrine tyiym salý;
2.6.sanitarlyq-epidemiologiialyq talaptar men karantindik rejimdi saqtai otyryp, bilim berý ortalyqtarynyń, ártúrli sala mamandaryn daiarlaý jáne qaita daiarlaý kýrstarynyń, seminarlyq sabaqtardyń, eresekterge arnalǵan úiirmelerdiń (jeke sabaqtar nemese 5 adamnan aspaityn toptar) qyzmetine ruqsat etilsin.
3. Nur-Sultan qalasynyń ákimi (Kólginov A.S.), Nur-Sultan qalalyq bilim basqarmasynyń basshysy (Qadyrova Sh. M.):
3.1. adamdardyń qatysýyna bailanysty mektep jáne basqa da bilim berý mekemeleriniń túlekteri úshin bitirýshilerdiń baldardyn, keshterdi, sońǵy qońyraýlardy ótkizýge tyiym salý;
3.2. kezekshi toptardyń jumysyn qospaǵanda, menshik nysanyna qaramastan qalanyń mektepke deiingi balalar mekemeleriniń qyzmetine tyiym salý;
3.3. bilim berý uiymdaryn qashyqtyqtan oqytýdy, onyń ishinde bilimdi baǵalaýdyń barlyq túrlerin júrgizýdi qamtamasyz etý.
4. Qala ákimi Nur-sultan qalasynyń ákimi (Kólginov A. S.), Nur-Sultan qalasynyń Dini isteri basqarmasynyń basshysy (Álmuhanov N.I.) kelýshiler arasynda keminde 2 metr áleýmettik ara qashyqtyqty saqtaǵan jaǵdaida 50-den astam adam bir sátte kelgen jaǵdaida dini nysandardyń (meshitter, soborlar, shirkeýler, sinagogalar) qyzmetin qamtamasyz etý, bul rette ujymdyq jáne toptyq is-sharalarǵa tyiym salynady, kelýshilerdiń túrli esikter arqyly kirýi men shyǵýyn usyný.
5. TKQSQBK-nyń Nur-Sultan qalalyq Departamentiniń aýmaqtyq basqarmalarynyń basshylaryna Nur-Sultan qalasynyń aýdandyq ákimdikterimen, Nur-Sultan qalalyq politsiia departamentimen birlesip osy qaýlynyń oryndalýyn baqylaýdy qamtamasyz etsin.
6.Osy qaýlyny barlyq múddeli vedomstvolar men sýbektilerdiń nazaryna jetkizsin, halyqty BAQ jáne áleýmettik jeliler arqyly habardar etsin.
7. Osy qaýly qol qoiylǵan kúninen bastap kúshine enedi.
