Oiyn-saýyq, sport, otbasylyq (úilený toilar, týǵan kúnder, jerleý jáne t. b.), estelik is-sharalardy, sondai-aq jinalys, jiyn jáne basqa da buqaralyq is-sharalardy ótkizýge tyiym salynady.
Sport jattyǵýyn keminde 2 metr áleýmettik qashyqtyqty mindetti túrde saqtai otyryp, jeke tártippen jáne 5 adamnan aspaityn toptarda tek ashyq aýada ótkizýge bolady.
Tabiǵatqa ekskýrsiia, korporativ, toptyq sapary uiymdastyrýǵa jáne óńirdiń kórikti jerlerine sholý jasaýǵa, sondai-aq jaǵajailarda shomylýǵa tyiym salynady. Mundai saparǵa 3 adamnan nemese bir otbasy múshelerimen ǵana barýǵa bolady.
Jumys kúni (aýysymnyń) barynsha qysqartyla otyryp, menshik nysany men qyzmetkerlerdiń shtat sanyna qaramastan barlyq uiymdardyń, kásiporyndardyń qyzmetkerleriniń keminde 80% úshin qashyqtyqtan jumys isteýi tiis.
Jumys kúnderi qalalyq qoǵamdyq kólik saǵat 6:00-den 23:00-ge deiin jáne demalys jáne mereke kúnderi saǵat 9:00-den 21.00-ge deiin qatynaidy.
HQKO jumysyn aldyn ala qatań túrde Egov.kz, EgovKZBot 2.0 telegram bot arqyly brondaý retimen, jumys kúnderi saǵat 09:00-den 20:00-ge deiin jáne senbi kúni saǵat 09:00-den 18:00-ge deiin isteidi. Qujattaý bólimi: jumys kúnderi túski úzilissiz saǵat 09:00-den 18:30-ǵa deiin jáne senbi kúni saǵat 09:00-den 14:00-ge. Mamandandyrylǵan bólim: jumys kúnderi jáne senbi kúni saǵat 09:00-den 18:00-ge deiin qujattardy qabyldaý, daiyn qujattardy túski úzilissiz saǵat 09:00-den 20:00-ge deiin.
Saýda-oiyn-saýyq ortalyqtary, saýda úileri bir kelýshige 4 sharshy metr esebinen jobalyq qýattyń 30%-nan aspaityn tolymdylyǵyn saqtai otyryp, jumys kestesin saǵat 10.00-den 22.00-ge deiin belgileidi. Demalys jáne mereke kúnderi jumysyna tyiym salynady. Bul rette kórsetilgen obektiler men olardyń aýmaqtarynda ornalasqan attraktsiondardyń, balalardyń oiyn alańdarynyń, kinoteatrlardyń, oiyn ortalyqtarynyń, fýdkorttardyń jumysyna qatań tyiym salynady.
Jabyq azyq-túlik jáne azyq-túlik emes bazarlar jumys kúnderi saǵat 10:00-den 17:00-ge deiinisteidi, demalys jáne mereke kúnderi jumys isteýine tyiym salynady.
Bilim berý ortalyǵy, balalar men eresekterge arnalǵan úiirme, balalardy damytý ortalyqtary (5 adamǵa deiingi toptarda aldyn ala jazylý boiynsha,) jumys kúnderi saǵat 11:00-den 18:00-ge deiin jumys kestesin belgilei otyryp isteidi. Demalys jáne mereke kúnderi jumys isteýine tyiym salynady.
Sán salony, shashtaraz, kosmetika jáne kosmetologiia qyzmetter, manikiýr jáne pedikiýr qyzmetin kórsetetin ortalyqtar men salondar (qatań túrde 1 kelýshige 4 m2 esebinen aldyn ala jazylý boiynsha) jumys kúnderi saǵat 10.00-den 20.00-ge deiin isteidi, demalys jáne mereke kúnderi istemeidi.
Monsha, saýna (massajsyz jáne pilingsiz) jumys kúnderi saǵat 10:00-den 22:00-ge deiin (aldyn ala jazylý boiynsha), demalys jáne mereke kúnderi jumys istemeidi.
Fitnes-ortalyq, fitnes-klýb, sport-saýyqtyrý obektiler aldyn ala jazylý boiynsha, basseinderde bir jolda bir kelýshiden ǵana bolý jáne jumys kúnderi saǵat 07:00-den 22:00-ge deiin isteidi, demalys jáne mereke kúnderi istemeidi.
Balabaqshada kezekshi toptar 15 baladan artyq toltyrmai jumys kúnderi saǵat 07:30-dan 18:30-ge deiin isteidi, demalys jáne mereke kúnderi jumystaryna tyiym salynady.
Qoǵamdyq tamaqtandyrý obektileri (meiramhana, dámhana, bar, ashana) ǵimarattyń ishinde 30-dan artyq emes jáne jazǵy alańda 30-dan artyq emes oryndyqqa ruqsat beriledi. Ústelder arasynda keminde 2 metr qashyqtyq saqtalýy kerek. Bir ústelge 4-6 adamnan aspai otyrady. Jumys kúnderi jumys kestesin 9:00-den 23:00-ge deiin, jeke ielik aýmaqtary men turǵyn úi ǵimarattarynda ornalasqan obektiler úshin jumys kestesi saǵat 9:00-den 22:00-ge deiin uiymdastyrylady. Demalys jáne mereke kúnderi 9:00-den 22:00-ge deiin jáne tamaq jetkizýge jumys kestesi saǵat 9:00-den 23:00-ge deiin belgilene otyryp ruqsat beriledi.
Osy qaýly 2020 jyldyń 31 tamyzynan bastap kúshine enedi.
