Nur-Sultan qalasynyń bas memlekettik sanitar dárigeri Sarhat Beisenova epidemiialyq ahýaldyń nasharlaýyna bailanysty elorda turǵyndaryna úndeý jasady, dep habarlaidy QazAqparat.
«Qurmetti elorda qonaqtary men turǵyndary! Qazir koronavirýstyń taralýyna bailanysty karantin sharalarynyń kúsheitilýine qaramastan, kei turǵyndar qaýipsizdik sharalaryn saqtamai, adam ómirine qaýip tóngen jaǵdailar jiilep ketti. Sondyqtan sizden karantin sharalaryn saqtaýdy suraimyz. Betperde taǵyp, qolyńyzdy muqiiat jýý kerek. Sanitaizerdi ózińizben birge alyp júrińiz, onymen qolyńyzdy únemi zalalsyzdandyrý kerek. Meilinshe adam kóp jinalatyn jerlerge barmańyzdar. Sondai-aq, túrli merekeler ótkizýdi de toqtata turý kerek. Ózińizge jáne jaqyndaryńyzǵa qorǵanysh bolyńyz», - dedi S. Beisenova elorda ákimdiginde ótken onlain brifingide.
Buǵan deiin Sarhat Beisenova elordadaǵy KVI juqtyrý statistikasyn jariialaǵan edi. Elordada koronavirýs juqtyrǵandar kúnine 150-den 280-ge deiin tirkeledi.
Aita keteiik, elordada qashyqtan oqityndar arasynda KVI juqtyrý jaǵdaiy kóbeigen.
Oqý jylynyń basynan 25-shi naýryzǵa deiingi COVID-19 jaǵdaiy boiynsha oqýshylar arasynda 1590 jaǵdai tirkeldi. Onyń ishinde offlain rejimde oqýshylar arasynda 30,6% (1103 jaǵdai), qashyqtan oqityndar arasynda – 69,4%. Oqý jylynyń basynan beri Nur-Sultan qalasy boiynsha 92 mektep karantinge jabylǵan.
