نۇر-سۇلتان قالاسىنىڭ باس مەملەكەتتٸك سانيتار دەرٸگەرٸ سارحات بەيسەنوۆا ەپيدەمييالىق احۋالدىڭ ناشارلاۋىنا بايلانىستى ەلوردا تۇرعىندارىنا ٷندەۋ جاسادى, دەپ حابارلايدى قازاقپارات.
«قۇرمەتتٸ ەلوردا قوناقتارى مەن تۇرعىندارى! قازٸر كوروناۆيرۋستىڭ تارالۋىنا بايلانىستى كارانتين شارالارىنىڭ كٷشەيتٸلۋٸنە قاراماستان, كەي تۇرعىندار قاۋٸپسٸزدٸك شارالارىن ساقتاماي, ادام ٶمٸرٸنە قاۋٸپ تٶنگەن جاعدايلار جيٸلەپ كەتتٸ. سوندىقتان سٸزدەن كارانتين شارالارىن ساقتاۋدى سۇرايمىز. بەتپەردە تاعىپ, قولىڭىزدى مۇقييات جۋۋ كەرەك. سانيتايزەردٸ ٶزٸڭٸزبەن بٸرگە الىپ جٷرٸڭٸز, ونىمەن قولىڭىزدى ٷنەمٸ زالالسىزداندىرۋ كەرەك. مەيلٸنشە ادام كٶپ جينالاتىن جەرلەرگە بارماڭىزدار. سونداي-اق, تٷرلٸ مەرەكەلەر ٶتكٸزۋدٸ دە توقتاتا تۇرۋ كەرەك. ٶزٸڭٸزگە جەنە جاقىندارىڭىزعا قورعانىش بولىڭىز», - دەدٸ س. بەيسەنوۆا ەلوردا ەكٸمدٸگٸندە ٶتكەن ونلاين بريفينگٸدە.
بۇعان دەيٸن سارحات بەيسەنوۆا ەلورداداعى كۆي جۇقتىرۋ ستاتيستيكاسىن جارييالاعان ەدٸ. ەلوردادا كوروناۆيرۋس جۇقتىرعاندار كٷنٸنە 150-دەن 280-گە دەيٸن تٸركەلەدٸ.
ايتا كەتەيٸك, ەلوردادا قاشىقتان وقيتىندار اراسىندا كۆي جۇقتىرۋ جاعدايى كٶبەيگەن.
وقۋ جىلىنىڭ باسىنان 25-شٸ ناۋرىزعا دەيٸنگٸ CوVٸD-19 جاعدايى بويىنشا وقۋشىلار اراسىندا 1590 جاعداي تٸركەلدٸ. ونىڭ ٸشٸندە وففلاين رەجيمدە وقۋشىلار اراسىندا 30,6% (1103 جاعداي), قاشىقتان وقيتىندار اراسىندا – 69,4%. وقۋ جىلىنىڭ باسىنان بەرٸ نۇر-سۇلتان قالاسى بويىنشا 92 مەكتەپ كارانتينگە جابىلعان.
