Nur-Sultan qalasynyń áýejaiyna ótken táýlikte 573 jolaýshy ushyp kelip, onyń 132-si karantin statsionaryna jatqyzyldy.
«Bir táýliktiń ishinde Nur-Sultan qalasynyń áýejaiyna Air Astana, Turkish Airlines, Belavia jáne Flydubai áýekompaniialarynyń 5 ushaǵy qondy. Bortta ekipaj múshelerin qosa eseptegende 573 jolaýshy boldy. 132 jolaýshyda PTR-testileý anyqtamasy bolmaǵandyqtan karantin statsionaryna ornalastyryldy. 4 jolaýshy deportatsiialandy», - dep habarlaidy Nursultan Nazarbaev halyqaralyq áýejaiynan.
Aita keteiik, kún saiyn elordaǵa shetelden ushyp kelgen 100-den asa jolaýshy karantin statsionaryna jatqyzylýda. Kúni keshe astanaǵa 789 adam ushyp kelip, PTR-test anyqtamasy bolmaǵandyqtan onyń ishinde 150-i karantinge jatqyzylǵan edi.
Nursultan Nazarbaev halyqaralyq áýejaiy memlekettik organdarmen birge koronavirýs infektsiiasynyń aldyn alý úshin naqty sharalar keshenin júzege asyrýda:
● Jolaýshylar mindetti túrde termometriiadan ótýi kerek. Ol úshin teplovizorlyq smart-kameralar qoldanylady.
● Jolaýshylar terminalynda táýlik boiy sanitarlyq-karantindik beket brigadalary kezekshilikte júredi.
● Ishki jáne halyqaralyq reisterde ushý jáne qoný aýmaǵytarynda jolaýshylarǵa arnalǵan sanitaizerler ornatylǵan.
● Jolaýshylardy tirkeý, sonymen qatar Nursultan Nazarbaev halyqaralyq áýejaiynyń aýmaǵynda 1,5 mterlik áleýmettik qashyqtyqty qamtamasyz etý tártibi edende naqty syzbamen kórsetilgen.
● Áýejaidyń ishki aýmaǵyn arnaiy dezinfektsiialyq quraldardy paidalana otyryp, sanitarlyq óńdeý jiiligi artty. Virýsqa qarsy belsendilikke ie antiseptik qoldanylady.
● Nursultan Nazarbaev halyqaralyq áýejaiyna keletin áýe kemeleriniń bári de dezinfektsiialyq óńdeýden ótedi. Sonymen qatar turaqty túrde jolaýshylarǵa qyzmet kórsetetin tehnikada dezinfektsiialyq jumystar júrgiziledi.
● Koronavirýs infektsiiasynyń taralýynyń aldyn alý boiynsha áýejai qyzmetkerlerimen nusqaýlyq júrgiziledi.
