Búgin elorda ákimdiginiń birqatar basqarmalary ataýly áleýmettik kómektiń jańa tásili jáne mindetti áleýmettik meditsinalyq saqtandyrýdy engizý boiynsha bilim berý uiymdaryndaǵy áleýmettik qyzmetkerlermen kezdesý ótkizdi, dep habarlaidy "Ult aqparat".
«Sharaǵa Jumyspen qamtý jáne áleýmettik qorǵaý, Densaýlyq saqtaý basqarmalarynyń basshylary, qalalyq bilim berý mekemeleriniń áleýmettik qyzmetkerleri qatysty. Jiyn barysynda halyqty áleýmettik qorǵaýdyń mańyzdy máseleleri, sondai-aq AÁK taǵaiyndaýdyń jańa tásilderi men mindetti áleýmettik meditsinalyq saqtandyrý júiesi aiasynda meditsinalyq kómek kórsetý jaily aqparat berildi», - dedi Nur-Sultan ákimdiginen.
Eske salsaq, aǵymdaǵy jyldan bastap ataýly áleýmettik kómek kórsetýdiń jańa tásilderi boiynsha reforma bastaldy. Negizgi mindet – eńbekke qabiletti azamattardy jumyspen qamtamasyz etý, turaqty jalaqy tóleý jáne olardy ómirdiń qiyn jaǵdaiynan shyǵarý. Sondai-aq, osy jyldan bastap mindetti áleýmettik saqtandyrý júiesi de iske qosyldy. MÁMS júiesine tirkelmegen el azamattary aǵymdaǵy jyldyń 1 sáýirine deiin saqtandyrý júiesine tirkelý qajettigin aita ketken jón.
