Elordaǵa 300 myń maska jetkizildi. Bul týraly Ortalyq kommýnikatsiialar qyzmetindegi brifingte Nur-Sultan qalasy ákiminiń orynbasary Baqtiiar Máken aitty, dep habarlaidy "Ult aqparat".
«Koronavirýs infektsiiasynyń taralýyn boldyrmaý úshin dezinfektsiialaý boiynsha aýqymdy jumystar júrgizilip jatyr. Adam kóp jinalatyn jerlerge erekshe kóńil bólinedi. Áleýmettik nysandar, bazarlar, sýpermarketter, trotýarlar, balalarǵa arnalǵan oiyn alańdary, kireberister men taǵy da basqa tiisti jerler dezinfektsiiadan ótip jatyr», - dedi qala ákiminiń orynbasary.
Onyń atap ótýinshe, qala aýmaǵyn eritindimen óńdeýge kúndelikti 450 adam qatysady. Dezinfektsiialaý is-sharalaryn ótkizýge qalalyq qyzmetterden basqa qarýly kúshterdiń biologiialyq qorǵaý bólimshesiniń áskeri qyzmetshileri de jumyldyrylǵan.
«Tegin meditsinalyq kómektiń kepildi kólemi aiasynda dispanserlik esepke alynǵan onkologiialyq aýrýǵa shaldyqqan naýqastar, júkti áielder, jasy 65-ten asqan azamattar maskamen qamtylýda. Sonymen qatar, Nur-Sultan qalalyq qoǵamdyq densaýlyq saqtaý basqarmasy meditsinalyq mekemelerge tirkelgen turǵyndardy maskamen qamtamasyz etý maqsatynda «SK-Farmatsiia» JShS-men birlesip, barlyq meditsinalyq mekemeler qamtylǵan», - dedi ol.
Baqtiiar Mákenniń dereginshe, 22 naýryzdan beri elordaǵa 1 millionnan astam maska dárihanalarda satyldy. Búgin taǵy 300 myń maska jetkizildi. Olardyń bári «Evrofarm» dárihanalar jelisinde satylyp jatyr.
