Elorda ákimi Altai Kólginov qalany gazdandyrý jumystary qalai júrip jatqanyn aitty, dep habarlaidy QazAqparat.
«Qazirgi ýaqytta 300 shaqyrym ishki gaz taratý jelileri tóseldi jáne tehnikalyq sharttar berý, jeke sektordy gazǵa qosý jumystary júrgizilip jatyr. Bul ekologiiamen, adamdardyń ómiri jáne densaýlyǵymen bailanysty másele. Sonymen qatar ol sizdermen birge jumys isteitin júieli másele sanalady», - dedi dedi Altai Kólginov Nur-Sultan qalalyq máslihatynyń otyrysynda.
Sonymen qatar qala basshysy 2020 jyldyń ishinde atqarylǵan jumystardyń qorytyndysyna toqtalyp ótti.
«2020 jyl pandemiia, karantindik shekteýler syndy qiyndyqtarǵa toly bolǵanymen sizdermen jaqsy jumys istedik. Aldymyzǵa qoiylǵan mindetterdi oryndadyq», - dedi elorda ákimi.
Condai-aq, Nur-Sultan qalasy ákiminiń orynbasary Ermek Qizatov elordanyń janyndaǵy Ilinka men Úrker turǵyn alabyna 2023 jylǵa deiin tolyq gaz tartylatynyn aitty.
«Gaz máselesi qazir Ilinka men Úrker turǵyn alaby turǵyndaryn erekshe alańdatyp otyr. Olardyń barlyǵy gazdyń qashan jetkiziletindigin suraidy. Bul aýdanda jii jumys istep, kóptegen problemalardy sheship júrgennen keiin bilemin. Qazirgi ýaqytta Ilinka men Úrker turǵyn alaptaryn gazdandyrý josparǵa sai tolyq qosylǵandyǵyn aityp sendire alamyn. Búginde jobalyq-smetalyq qujattary daiyndalyp jatyr. 2021 jyldyń 2-toqsanynda daiyn jobalyq-smetalyq qujatyn alýymyz kerek», - dedi ol Nur-Sultan qalalyq máslihatynyń otyrysynda.
Onyń atap ótýinshe, 2021 jyly atalǵan turǵyn alaptarǵa gaz tartý jumysyn qolǵa alý josparlanǵan.
«Eki aýdandada gaz tartý jumystaryn 2022-2023 jyldary tolyǵymen aiaqtaýdy kózdep otyrmyz», - dedi Ermek Qizatov.
