Elordada Sinopharm vaktsinasynyń 214 myń dozasy bar. Nur-Sultan qalasy qoǵamdyq densaýlyq saqtaý basqarmasynyń basyshsy Timýr Muratovtyń aitýynsha, bul mólsher vaktsinalaý men revaktsinalaýǵa jatatyn kontingentti tolyq qamtýǵa jetkilikti, dep habarlaidy QazAqparat.
«Qazirgi tańda vaktsinatsiia men revaktsinatsiiaǵa bir ǵana vaktsina bar – qytailyq óndirýshiniń Sinopharm vaktsinasy. Sany jetkilikti. Búgingi tańda 214 myń dozasy bar. Bul jetkilikti mólsher», - dedi basqarma basshysy.
Aitýynsha, qala aýmaǵynda tolyq ujymdyq immýnitetti qalyptastyrý úshin 600 myńnan astam adamdy vaktsinatsiialaý josparlanǵan bolatyn.
«Qala boiynsha emhanalarda 34 egý kabineti jumys isteidi. Revaktsinatsiiaǵa keler bolsaq, 20 shildedegi málimet boiynsha 151 myńǵa jýyq adam bastapqy komponentti aldy, 6 myńnan astam adam tolyq revaktsinatsiiadan ótti. Revaktsinatsiiadan qaita ótý kýrsyn 61 myńnan astam adam aldy.
Búgingi tańda bala emizetin jáne júkti áiel adamdar men jasóspirimder arasynda vaktsinatsiialaý aitarlyqtai jaqsarǵan. Atalmysh sanattaǵy 40 myńnan astam adam vaktsina aldy. Barlyǵy 2 myńnan astam júkti áiel, 31 myńdai jasóspirim jáne 7 myńnan astam bala emizetin áiel tolyq immýndaýdan ótti. Endi shamamen 800 adam 2 komponentpen qamtylmaq. Osy baǵytta emhanalardyń jumysy odan ári jalǵasýda», - dedi Timýr Muratov.
Sondai-aq, ol elordadaǵy statsionarlyq tósekterdiń 41%-y bos emes ekenin málim etti.
Onyń sózine qaraǵanda, Nur-Sultandaǵy epidemiologiialyq ahýal «sary» aimaqqa jaqyndap keledi.
