Nur-Sultan turǵyndary salyq organdaryna 2,1 mlrd teńge qaryz, dep habarlaidy "Ult aqparat".
Qazirgi ýaqytta elordalyq 69 287 turǵynnyń menshik salyǵy boiynsha 2,1 mlrd teńge bereshegi bar. Onyń ishinde kólik salyǵy boiynsha qaryz 1,5 mlrd teńgeni, múlik boiynsha 543 mln teńge jáne jer salyǵy boiynsha 86 mln teńgeni quraidy.
Osy rette, Nur-Sultan qalasynyń Memlekettik kirister departamenti 9-13 jeltoqsan aralyǵynda «Jańa jylǵa qaryzsyz» jedel-aldyn alý sharasyn ótkizedi.
Onyń barysynda salyq tóleýden jaltaryp júrgen azamattar «Sergek» júiesi arqyly anyqtalyp, olarǵa bereshegin óteý týraly eskertý qaǵazy tapsyrylatyn bolady.
Elordalyq júrgizýshilerge salyqty sol jerde onlain tóleýge múmkindik beriledi, keri jaǵdaida olardyń kólikteri bereshek tolyq tólengenge deiin aiyp turaǵyna jetkiziledi.
Eske salaiyq, 2019 jyldyń 31 jeltoqsanyna deiin Qazaqstanda salyqtyq raqymshylyq júzege asyrylýda. Oǵan sáikes, negizgi qaryz (2018 jylǵa eseptelgen múlik jáne jer salyqtaryn qospaǵanda) ótelgen jaǵdaida, ósimpuldar alynyp tastalady. Búgingi kúnge deiin salyqtyq raqymshylyqty 40 myń adam paidalandy. Olar 1,6 mlrd teńge somasyndaǵy negizgi salyq bereshegin tóledi, shegerilgen ósimpul somasy - 150 mln teńge.
Salyq tólemeitin azamattardy anyqtaý maqsatynda elorda kóshelerine 11 patrýldik kólik jumyldyryldy.
