Búgin Nur-Sultan qalasynan Arysqa qurylys materialdarynyń alǵashqy legi attanady. Elordalyqtar jarylystan zaqym kelgen 500 úidi jóndep berýge mindet alyp otyr, – dep habarlaidy QazAqparat.
Bul týraly búgin Nur-Sultan qalalyq Qazaqstan halqy Assambleiasynyń kezekti sessiiasynda aityldy.
Elordalyq QHA tóraǵasy Altai Kólginovtyń aitýynsha, jarylys bolǵan kúnnen bastap astanalyqtar arnaiy shotqa tek birkúndik eńbekaqy esebinen 200 mln teńge aýdarǵan. «Arysqa búkil el bolyp kómektesip jatyr. Qalalyq Dostyq úiinde kómek jinaityn ortalyq ashyldy. Turǵyndar belsendilik tanytýda. Ásirese, Assambleia músheleri belsendi.
«Nur-Sultan Aryspen birge!» degen aktsiia jariialadyq. Búgin qala ákiminiń orynbasary bastaǵan kómekshi toptyń alǵashqy legi Arysqa ushady. Onyń quramynda qurylys mamandary men merdiger uiym ókilderi bar. Bizge tigen turǵyn úi sektorynda 500 úi ornalasqan. Sony jóndep, arystyq otandastarymyzǵa ótkizýimiz kerek. Jóndeý jumystary búgin-aq bastalyp ketetinin senimmen aitamyn» dedi Altai Kólginov.
Onyń aitýynsha, «Nurly astana» qory Arysqa kómek kórsetý úshin gýmanitarlyq kómek jinap jatyr. Bul iske elordalyq kásipkerler úles qosýda.
«Buǵan qosa, arystyq 500 balany astanaǵa shaqyryp otyrmyz. Olardy elordaǵa ákelip, kórikti jerlerdi aralatamyz, túrli mádeni sharalar uiymdastyramyz» dedi ol.
