Búgingi tańda qala boiynsha 80 jedel járdem kóligi qyzmet kórsetedi, dep habarlaidy elorda ákimdiginiń resmi saity.
Qalalyq jedel járdem stantsiiasynyń baspasóz qyzmeti habarlaǵandai, bólimshede kúndizgi aýysymda 10 dispetcher, túngi aýysymda 12 dispetcher jumys isteidi. Kún saiyn ár maman 150-ge jýyq qońyraý qabyldaidy. Jalpy alǵanda orta eseppen 2-2,5 myń ótinish kelip túsedi. Onyń 1,5 myńy boiynsha naýqastyń úiine baryp, járdem kórsetiledi. Mamandarǵa baǵyttalǵan qońyraýlar der kezinde qabyldanyp, qajetti keńester beriledi.
Qala boiynsha ár aýdanda 18-20 brigada jumys isteidi. Shaqyrý kelgennen keiin kezekshi maman aldyn-ala meditsinalyq anyqtama jasaidy. Sodan keiin ony qaida baǵyttaý kerektigi týraly sheshim qabyldanady. Eger brigadany naýqasqa jiberý týraly sheshim qabyldansa, oǵan ketetin ýaqyt esepteledi.
Shaqyrtý brigadaǵa baǵyttalǵannan keiin, mamandar meditsinalyq jabdyq pen meditsinalyq qoraptyń jaǵdaiyn tekseredi. Dárilerdiń tizbesin Densaýlyq saqtaý ministrligi bekitedi jáne meditsinalyq kómektiń kez kelgen túri úshin birdei qarastyrylady. Feldsher men dárigerdiń kiiminde aiyrmashylyq bolady. Eger koronavirýs jaǵdaiyna qatysty bolsa, brigadaǵa arnaiy qorǵanys kostiými beriledi.
Jumys aiaqtalǵannan keiin qorǵanys kostiýmderi bólek bólmege shyǵarylyp, joiylady. Oǵan maska, kózildirik, qolǵap, bahilalar men halat kiredi. Eger shaqyrý shtattyq jaǵdai boiynsha bolsa, bir rettik qorǵanys kostiými talap etilmeidi. Stantsiiaǵa kelgennen keiin mashina jáne ondaǵy jabdyqtar, oryndyqtar dezinfektsiialyq eritindimen muqiiat tazartylady.
