Elordalyq sportshylar muqtaj otbasylarǵa qurbandyq etin taratý aktsiiasyna qoldaý bildirdi, dep habarlaidy qala ákimdiginiń resmi saity.
Elorda ákimdigi uiymdastyrǵan sharaǵa álem jáne Aziia chempiondary qatysty.
«Nur-Sultan ákimdigimen birlesip, Qurban ait merekesine orai muqtaj jandarǵa et taratýmen ainalystyq», - dedi eskek esýden Qazaqstan chempiony Diasbek Naqyp.
Aita keteiik, ákimdik uiymdastyrǵan aktsiia materialdyq qoldaýǵa muqtaj 3,5 myńnan astam otbasyn qamtydy. Júzdegen eriktiler qurbandyq etin taratýǵa kómektesip, avtovolonterler bul paketterdi kórsetilgen mekenjailarǵa jetkizedi.
«Men kópbalaly anamyn. Qasietti merekede kópbalaly otbasylardy umytpaǵanyna óte qýanyshtymyn. Bizge únemi kómektesip turady. Elorda ákimdigine alǵys aitqym keledi», - dedi elorda turǵyny Leila Jumalieva.
Esterińizge sala keteiik, biyl qala ákimdigi men Múftiiat birlesip qurban2021.kz saity arqyly onlain-qurbandyq shalý uiymdastyrdy.
