Tártip saqshylary aldyn alý is-sharasy ótkizilgen úsh kún ishinde urlanǵan múlikti ótkizetin 180-ge jýyq oryn, onyń ishinde 133 lombardty anyqtady, dep habarlaidy "Ult aqparat" Nur-Sultan qalasynyń politsiia departamentiniń baspasóz qyzmetine silteme jasap.
Politsiianyń mobildi toptary patrýldeý kezinde barak tiptes úilerdegi 500-ge jýyq jalǵa alynǵan páterdi tekserdi. Jedel aldyn alý is-sharalaryn júrgizý kezinde 22 qylmys, onyń ishinde 5 urlyq ashyldy.
Osylaisha, qyzmetkerler uqsas shema boiynsha urlyq jasaǵan eki páter urysyn ustady. Kúdiktiler turǵyn úilerdiń qulyptalmaǵan esikterin izdep taýyp, qylmystyq áreketterin júzege asyratyn bolǵan. Qaraqshylar asa saqtyqpen áreket etip, esikti shamadan tys shý shyǵarmai teksergen. Osylaisha, 24 jastaǵy kúdikti tús áletinde jataqhana bólmesinde uialy telefon urlaǵan. Bul ýaqytta telefon iesi bólmede uiyqtap jatqan. Taǵy bir jaǵdaida 29 jastaǵy kúdikti Baiqońyr kóshesindegi jeke úiden jalpy quny jarty million teńgeden asatyn «Samsýng» jáne «Hýavei» markaly eki telefondy urlaǵan.
Jedel-izdestirý is-sharalary barysynda urylar ustalyp, politsiia departamentiniń ýaqytsha ustaý izoliatoryna qamaldy. Qylmystyq ister boiynsha sotqa deiingi tergeý amaldary júrgizilýde. Zattai dáleldemeler alynyp, ielerine qaitaryldy.
Nur-Sultan qalasynyń politsiia departamenti bólmelerdiń, páterlerdiń esigin qulyptap júrýge jáne qyraǵy bolýǵa keńes beredi.
