Nur-Sultan qalasynyń bilim salasynda sapany qamtamasyz etý departamentiniń basshysy Baǵym Kóptileýova astanalyq pedagogter men mektep basshylarynyń quqyqtyq saýattylyqqa mán bermeitinin aitty, - dep habarlaidy "Ult aqparat".
«Qalalyq keńeske túsken shaǵymdardyń monitoring qorytyndysy kóptegen pedagogtar men bilim berý uiymy basshylarynyń ózderine zańmen kepildik berilgen áleýmettik qorǵaý sharalaryn bilmeitinin, quqyqtyq saýattylyqqa mán bermeitinin kórsetti. Osy oraida departament qyzmetiniń basym baǵyty ádistemelik kómek kórsetý bolǵandyqtan, pedagog quqyǵynyń zańmen qorǵalýy men ádep normalarynyń saqtalýyna qatysty qoldanystaǵy normativtik quqyqtar tizbesin onlain, oflain konferentsiialarda únemi tanystyryp otyramyz. Sáýir aiynda ótken ulttyq biliktilik testi kezinde ereje talaptardy buzyp, testileý nátijesi joiylǵan pedagogtermen jeke kezdesý ótkizdik», - dedi bilim departament basshysy onlain brifigide.
