Turmysy tómen otbasydan shyqqan oqýshylardy kompiýtermen qamtamasyz etý úshin 6 mlrd teńge bólindi.
Bul týraly pedagogika qyzmetkerleriniń tamyz keńesinde elorda ákimi Altai Kólginov aitty, dep habarlaidy QazAqparat.
«Elordalyq barlyq bilim berý uiymdarynda jańa oqý jyly qashyqtan bastalady. Ata-analardyń ótinishi boiynsha 1-4 synyp oqýshylary úshin «kezekshi synyptardyń» jumys isteýin josparlap otyrmyz. Bul rette barlyq sanitarlyq sharalar qatań saqtalady. Pedagogterdiń 30 paiyzǵa jýyǵy shtattyq rejimde, onyń ishinde kezekshi toptarda sabaq berý úshin jumysqa shyǵady», - dedi ol.
Onyń aitýynsha, halyqtyń áleýmettik osal toptarynan shyqqan balalar qyrkúiekte kompiýterlermen jáne roýterlermen qamtamasyz etiletin bolady.
«Osy maqsatta 6 mlrd teńge bólinedi. Budan basqa, birqatar áleýmettik sharalar qolǵa alyndy. Atap aitsaq, jalpyǵa mindetti oqý qory aiasynda árbir oqýshyǵa mektep quraldaryn satyp alýǵa 40 myń teńgeden bólemiz. 7 myń bala «Mektepke jol» aktsiiasymen qamtylady. Sondai-aq, balabaqshalardaǵy «kezekshi toptardyń» jumysyn jalǵastyrýdy josparlap otyrmyz», - dedi Altai Kólginov.
