تۇرمىسى تٶمەن وتباسىدان شىققان وقۋشىلاردى كومپيۋتەرمەن قامتاماسىز ەتۋ ٷشٸن 6 ملرد تەڭگە بٶلٸندٸ.
بۇل تۋرالى پەداگوگيكا قىزمەتكەرلەرٸنٸڭ تامىز كەڭەسٸندە ەلوردا ەكٸمٸ التاي كٶلگٸنوۆ ايتتى, دەپ حابارلايدى قازاقپارات.
«ەلوردالىق بارلىق بٸلٸم بەرۋ ۇيىمدارىندا جاڭا وقۋ جىلى قاشىقتان باستالادى. اتا-انالاردىڭ ٶتٸنٸشٸ بويىنشا 1-4 سىنىپ وقۋشىلارى ٷشٸن «كەزەكشٸ سىنىپتاردىڭ» جۇمىس ٸستەۋٸن جوسپارلاپ وتىرمىز. بۇل رەتتە بارلىق سانيتارلىق شارالار قاتاڭ ساقتالادى. پەداگوگتەردٸڭ 30 پايىزعا جۋىعى شتاتتىق رەجيمدە, ونىڭ ٸشٸندە كەزەكشٸ توپتاردا ساباق بەرۋ ٷشٸن جۇمىسقا شىعادى», - دەدٸ ول.
ونىڭ ايتۋىنشا, حالىقتىڭ ەلەۋمەتتٸك وسال توپتارىنان شىققان بالالار قىركٷيەكتە كومپيۋتەرلەرمەن جەنە روۋتەرلەرمەن قامتاماسىز ەتٸلەتٸن بولادى.
«وسى ماقساتتا 6 ملرد تەڭگە بٶلٸنەدٸ. بۇدان باسقا, بٸرقاتار ەلەۋمەتتٸك شارالار قولعا الىندى. اتاپ ايتساق, جالپىعا مٸندەتتٸ وقۋ قورى اياسىندا ەربٸر وقۋشىعا مەكتەپ قۇرالدارىن ساتىپ الۋعا 40 مىڭ تەڭگەدەن بٶلەمٸز. 7 مىڭ بالا «مەكتەپكە جول» اكتسيياسىمەن قامتىلادى. سونداي-اق, بالاباقشالارداعى «كەزەكشٸ توپتاردىڭ» جۇمىسىن جالعاستىرۋدى جوسپارلاپ وتىرمىز», - دەدٸ التاي كٶلگٸنوۆ.
