Nur-Sultan qalasy Tótenshe jaǵdailar departamenti bastyǵynyń orynbasary Esen Baiyrov balyqshylardy saqtyq sharalaryn oryndaýǵa shaqyrdy, dep habarlaidy "Ult aqparat".
«Muzdy oiyp, balyq aýlaý kezinde siz shekteýli aimaqta kóptegen uńǵyma jasap, úlken toptarǵa jinala almaisyz. Aiaq astyndaǵy muz opyrylǵan jaǵdaida tez ári batyl áreket etý kerek. Qoldy keń jaiyp, muz betinde ustap, qatty muzdyń betine shyǵýǵa tyrysý qajet. Sodan keiin arqada nemese keýdede jatyp, kelgen izińe qarai jyljý kerek. Bul áreketter kezinde kómekke shaqyrýdy umytpaǵan jón», - dedi E. Baiyrov elora ákimdiginiń baspasóz ortalyǵynda.
