iKOMEK109 qalalyq ortalyǵy bilim basqarmasymen birlesip, elordalyq bilim berý mekemeleriniń sapasyn arttyrý boiynsha jumysty jalǵastyryp keledi. Jumys saparymen iKOMEK qalalyq ortalyǵyn bilim basqarmasynyń ókilderi men Nur-Sultan qalasynda ornalasqan 90 mekteptiń direktory kelip kórdi, dep habarlaidy "Ult aqparat".
Nur-Sultan qalasynyń bilim basqarmasynyń basshysy Sholpan Qadyrovanyń tóraǵalyǵymen jiyn ótip, onyń aiasynda elorda turǵyndarynan kelip túsetin shaǵymdar men jaǵdaiattar qaraldy.
iKOMEK ortalyǵy basshysynyń orynbasary Dina Temirǵalieva tanystyrý barysynda AQSh-taǵy 911 jáne 311 qyzmetterine uqsas qurylǵan elordalyq iKOMEK ortalyǵynyń jumysyn kórsetti, sonymen qatar biz BIG DATA qaǵidasymen jumys jasaityn taldaý platformasy, Qalany basqarý paneli, qaladaǵy ahýaldy baqylaýǵa arnalǵan mobildi qosymsha, GPS-monitoring júiesi, ákimdik tiimdiliginiń úsh deńgeili KPIs, ákimdik basshylary: aýdan ákimderiniń, ákim orynbasarlarynyń jáne basqarma basshylarynyń reitingisi siiaqty tsifrlyq bastamalarmen bólisti.
Pilottyq rejimde iKOMEK mobildi qosymshasyna 10 elordalyq mektep qosylǵan, onda olar onlain rejimde bilim berý mekemesine qatysty barlyq ótinishterdi ala alady. Sondyqtan azamattar ózderin alańdatqan suraqtarǵa tikelei jaýap alady. «iKOMEK109 qalalyq ortalyǵy qaladaǵy ómir sapasyn jaqsartý jáne turǵyndar úshin qalalyq qyzmetterdiń sapasyn arttyrý boiynsha jumys júrgizýde.
Sondyqtan biz elordada jaily ómirdi qalyptastyrý, sonymen qatar qala mektepterindegi qaýipsizdikti qamtamasyz etý úshin árbir jaýapty memlekettik organmen tyǵyz jumys jasaimyz», - dedi iKOMEK109 qalalyq monitoring ortalyǵy basshysynyń orynbasary Dina Temirgalieva.
Áriptester búgingi tańda qala turǵyndarymen bailanysatyn biryńǵai torap bolyp tabylatyn «iKOMEK109 biryńǵai bailanys ortalyǵyn» qurý tájiribesin joǵary baǵalady. Búgingi kezdesý qalanyń júieli túitkilderi reitingisinde jasaqtalǵan bilim salasyndaǵy júieli máselelerdi sheshýde qoian-qoltyq áreket etýge yqpal etedi.
Esterińizge sala keteiik, iKOMEK109 mobildi qosymshasy qala turǵyndaryna ótinish berýge: • Foto-beinematerialdy tirkei otyryp, ótinish berýge, sonymen qatar onyń atqarylý dárejesin bilýge; • Aldaǵy is-sharalar, mektepterde sabaq bolmaityny, tasjoldardyń jabylýy jáne t.b. jóninde bilýge múmkindik beretin habarlandyrýlarǵa jazylýǵa múmkindik beredi.
