Foto ©REUTERS
Nur-Sultanǵa koronavirýsqa qarsy Pfizer vaktsinasynyń alǵashqy partiiasy jetkizildi. Bul týraly elordalyq qoǵamdyq densaýlyq saqtaý departamentiniń baspasóz qyzmeti málimdedi, - dep habarlaidy Tengrinews.kz tilshisi.
Amerikalyq vaktsinalar Densaýlyq saqtaý departamentiniń qoimasyna muzdatqyshtarda jetkizildi. Birinshi kezeńde elordaǵa amerikalyq vaktsinanyń 35 myńnan astam dozasy keldi. Olardyń barlyǵy arnaiy jasalǵan muzdatqyshtarǵa ornalastyrylǵan.
"Búgin 35 100 dozanyń birinshi partiiasy meditsinalyq uiymdardyń egý pýnktteri men elorda mektepterindegi feldsherlik-akýsherlik pýnktterge taratylady. Buryn biz tek alǵashqy meditsinalyq-sanitarlyq kómek uiymdarynda vaktsinatsiialaýdy josparlaǵan edik, biraq ekpe alýǵa yńǵaily bolý úshin sharttar qaita qaraldy, oqý oryndaryndaǵy pýnktter jasóspirimderge ekpe salady. Oqytylǵan, barlyq usynystarmen tanys, sondyqtan biz osy sanattaǵy adamdardy qaýipsiz vaktsinatsiialaýdy bastaýǵa daiynbyz", - dedi departament basshysynyń orynbasary Áliia Rústemova.
Vaktsinalar egý bólmelerine arnaiy termokonteinerlerde jetkiziledi. Árbir egý stantsiiasy uiymǵa bekitilgen turǵyndardy eskere otyryp, az mólsherde dozalardy jinaidy.
Sondai-aq, Rústemova alynǵan dozalar tek 16 men 37 apta aralyǵyndaǵy júkti áielderdi, bala emizetin analar men laktatsiia kezeńindegi áielderdi, sondai-aq 12 men 17 jas aralyǵyndaǵy balalardy vaktsinatsiialaýǵa arnalǵanyn túsindirdi.
"Kóptegen qala turǵyndary Pfizer vaktsinasyn kútti, biraq men birden atap ótkim keledi, ony barlyǵyna salý múmkin emes", - dep túsindirdi Rústemova.
Qazirgi tańda elordada 5 myń júkti áiel, 28 myń bala emizetin áiel jáne 63 myń bala Pfizer vaktsinatsiiasyn alýǵa bolady.
Qalada barlyǵy 90-nan astam egý pýnktteri bar, biraq Pfizer tek meditsinalyq uiymdar men bilim berý mekemeleriniń feldsherlik pýnktterinde egiletin bolady.
