Nur-Sultan qalasynyń halyqaralyq áýejaiynda merzimi ótken PTR-anyqtamamen kelgen Ózbekstan azamaty deportatsiialandy, dep habarlaidy Sanitariialyq-epidemiologiialyq baqylaý komitetiniń baspasóz qyzmeti.
10 jeltoqsanda Qazaqstan Respýblikasynyń aýmaǵyna Germaniia, Maldiv Respýblikasy, Egipet, BAÁ, Túrkiia, Ýkraina, RF, Belarýs Respýblikasy jáne Ózbekstannan 21 halyqaralyq áýe reisi keldi.
1 668 áýe jolaýshylarynyń ishinde 1 530-iniń PTR-testi bar, anyqtamasyz 138 adam keldi. Olardyń bári - QR azamattary.
Onyń ishinde:
Nur-Sultan qalasynyń áýejaiyna - 10 reis, 886 jolaýshy, anyqtamamen - 808, anyqtamasyz - 78;
Almaty qalasynyń áýejaiyna - 6 reis, 600 jolaýshy, anyqtamamen - 554, anyqtamasyz - 46;
Qaraǵandy qalasynyń áýejaiyna - 2 reis, barlyq 5 jolaýshy anyqtamamen keldi;
Shymkent qalasynyń áýejaiyna - 1 reis, 135 jolaýshy, anyqtamamen - 123, anyqtamasyz - 12;
Oral qalasynyń áýejaiyna - 1 reis, 38 jolaýshy, anyqtamamen - 36, anyqtamasyz - 2;
Petropavl qalasynyń áýejaiyna - 1 reis, barlyq 4 jolaýshy anyqtamamen keldi.
Anyqtamasyz kelgen Qazaqstan azamattary kelgen jeri boiynsha karantindik statsionarlarǵa ornalastyryldy jáne PTR-taldaý ádisimen COVID-19-ǵa testilendi. Barlyq 139 azamattyń test synamalary olardyń deni saý ekenin kórsetti. Bir kún buryn, 2020 jyldyń 9 jeltoqsanynda anyqtamasyz kelgen 115 adamnyń PTR synamalary da teris nátije kórsetti.
Sonymen qatar, Tashkent qalasynan ushyp kelgen Ózbekstan azamaty, COVID-19 testinen ótý týraly merzimi ótken anyqtamany usynýyna bailanysty Nur-Sultan qalasynyń áýejaiynan deportatsiialandy.
