Elordaǵa shet memleketterden Sharm-el-Sheih pen Minisk qalasynan qazaqstandyqtar jii PTR anyqtamasyz ushyp keledi. Bul týraly elordadaǵy №3 qalalyq kópbeiindi aýrýhananyń direktory Juldyz Danbaeva aitty, dep habarlaidy "Ult aqparat".
«Bizdiń aýrýhanada infektsiialyq statsionar joq. Koronavirýs indeti jaǵdailary jiilep ketken jaǵdaida ekinshi jáne úshinshi kezeńde turmyz. Elordada arnaiy karantindik statsionar jasaqtalyp, 6 qazannan beri halyqaralyq áýe reisterimen PTR anyqtamasyz ushyp keletin jolaýshylar sonda jatqyzylady. Qazirgi ýaqytta atalǵan statsionarda anyqtamasyz kelgen 40 adam jatyr. Olar túnde úsh reispen ushyp kelgen bolatyn», - dedi ol QazAqparat tilshisine telefon arqyly bergen suhbatynda.
Sonymen qatar aýrýhana direktory qai elderden ushyp keletin jolaýshylardan jii koronavirýs anyqtalatyndyǵyn da aityp berdi.
«Sharm-el-Sheih pen Minisk qalalarynan anyqtamasyz ushyp keletin jolaýshylar óte kóp. 6 qazannan bastap osy ýaqytqa deiin áýe kóligimen ushyp kelgen 18 jolaýshydan koronavirýs infektsiianyń oń nátijesi anyqtalǵan bolatyn. Alǵashqy jaidailar Máskeý, Minisk, Ystanbul, Sharm-el-Sheih qalalarynan Nur-Sultanǵa kelgen jolaýshylardan anyqtaldy. Dýbaidan ushyp kelgen bir adamdanan da koronavirýs shyqty», - dedi Juldyz Danbaeva.
Qazirgi ýaqytta koronavirýs infektsiiasyna bailanysty karantin statsonary retinde elordadaǵy burynǵy «Ramada plaza» qonaq úii jumys istep tur. Ol jerde 500 tósek-orynǵa arnalǵan karantindik statsionar qurylǵan. Qalanyń bas sanitar dárigeriniń qaýlysyna sáikes, oǵan shetelden áýe reisimen ushyp kelgenimen qolynda PTR testiniń nátijeleri joq jolaýshylar jetkiziledi.
«Eger adamnan infektsiia anyqtalmasa, onda biz ony úiine jiberemiz. Olardy tek 2 táýlik qana ustaimyz. Degenmen, ádette ushaqpen kelgen jolaýshylar bizde táýlikke jetpeitin ýaqyt ishinde ǵana bolady. Sebebi saraptamalardy jyldam jasaimyz. Naýqasta koronavirýstyń simptomsyz formasy bolsa, onda úi karantinine jiberemiz. Onymen bailanysta bolǵan adamdar da virýs belgileri baiqalmasa úiden emdelýge jiberiledi. Al koronavirýs belgileri bar adamdardy 40-shy stansada ornalasqan qalalyq modýldik juqpaly aýrýlar aýrýhanasyna aýystyramyz», - dep túsindiredi ol.
Aita keterligi, Qazaqstanda ótken táýlikte 769 adam koronavirýs indeti PTR arqyly rastalyp aýyrǵany belgili boldy. Indetke shaldyǵý kórsetkishi Shyǵys Qazaqstan, Soltústik Qazaqstan, Pavlodar, Qostanai, Aqmola oblystarynda joǵary. Jalpy el boiynsha aýyrǵandar sany 133 887 adam, onyń 118 004-i emdelip shyqty.
Qazirgi ýaqytta koronavirýstyq infektsiiadan 13 827 adam em qabyldaýdy jalǵastyrýda. Olardyń arasynda 904 bala bar. Statsionarlarda 3 541 naýqas jatyr. 10 286 adam ambýlatoriialyq jaǵdaida emdelýde. Jalpy naýqastardyń arasynda 218 adamnyń ahýaly nashar. Sonyń ishinde 35 naýqastyń ahýaly asa qatty aýyr dep baǵalanýda. 31 naýqas ókpeni jasandy jeldetý apparatynda jatyr.
