Memlekettik komissiianyń shuǵyl shtaby Qyzylorda oblysynda COVID-19 infektsiiasyn juqtyrǵan 4 jaǵdai týraly aqparatty jariia etti, dep habarlaidy "Ult aqparat".
Aýrý juqtyrǵandardyń úsheýi - Qyzylorda qalasynyń turǵyndary, olar naýqaspen qarym-qatynasta bolýyna bailanysty karantindik statsionarǵa jatqyzylǵan. Al bir jaǵdai Syrdariia aýdanynda tirkeldi, ol Nur-Sultan qalasynan kelgen jáne JRVI simptomdary bolýyna bailanysty provizorlyq statsionarda baqylaýǵa alynǵan.
«Atalǵan azamattardyń barlyǵynan QR Bas memlekettik sanitar dárigerdiń qaýlysyna sáikes zerthanalyq synama alynyp, diagnoz naqtylandy. Qazirgi tańda naýqastardyń jaǵdailary qanaǵattanarlyq. Bekitilgen hattamaǵa sáikes tiisti em júrgizilýde. Qazirgi tańda naýqastarmen qarym-qatynasta bolǵan adamdar anyqtalyp, barlyǵy meditsinalyq baqylaýǵa alynýda» delingen habarlamada.
Aýrý oshaqtarynda epidzertteý jumystary, dezinfektsiialyq jumystar júrgizilýde.
7 sáýirdegi jaǵdai boiynsha, aimaqta COVID-19 infektsiiasyna shaldyqqan 54 adam bar: Qyzylorda qalasynda – 9 jaǵdai, Jańaqorǵan aýdanynda – 16, Qarmaqshyda – 4, Shielide – 24 jaǵdai, Syrdariia aýdanynda -1 jaǵdai.
