Nur-Sultan – Beijiń baǵytynda jolǵa shyqqan Aibus A321neo ushaǵynyń nelikten áýejaiǵa qaityp oralǵany belgili boldy, dep habarlaidy "Ult aqparat" «Eir Astanaǵa» silteme jasap.
«Ushaq áýege kóterilgennen keiin belgi berý júiesi iske qosylyp, qozǵaltqyshtan aqaý shyqqany týraly habar túsirgen. Qaýipsizdik nusqaýlyǵyna sáikes, ekipaj áýejaiǵa qaityp, aqaýdy joiý kerek degen sheshim qabyldaǵan. Ushaq shtattyq rejimde qondy», - delingen áýe kompaniiasynyń baspasóz qyzmeti taratqan aqparatta.
Ushaqta bolǵan 128 jolaýshy jergilikti ýaqyt boiynsha saǵat 4.00-de basqa reispen saparlaryn jalǵastyrǵan.
«Áýe kompaniiasy jaǵdaidy naqtylaý úshin ushaq óndirýshisine resmi saýal joldady. Qaýipsizdik – biz úshin negizgi basymdyq», – delingen kompaniianyń málimetinde.
