Elordada boijetkenmen ǵalamtordaǵy arnaiy saitta tanysqan jigit ony birinshi kezdesýinde tonap ketti, dep habarlaidy "Ult aqparat" Nur-Sultan qalasy Politsiia departamentiniń baspasóz qyzmetine silteme jasap.
«Boijetken jigitpen «Badoo» qosymshasynda tanysqan. Onlain arqyly biraz aralasqan olar kezdespek bolǵan. Serýen kezinde jas jigit dóreki minez tanytyp, qyzdyń qolynan uialy telefonyn julyp alyp, ketip qalǵan. Sol kúni qaskúnem mobildik bankingti paidalanyp, sol arqyly dúkenderden taýar satyp alyp júrgen kezinde beinetaspalarǵa túsip qalǵan. Kelesi kúni urlaǵan «Samsung-12» telefonyn kóshedegi adamǵa satyp jibergen», - dep habarlady departamenttiń baspasóz qyzmeti.
28 jastaǵy er adam jedel-izdeý sharalary barysynda ustaldy. Oǵan qatysty «Tonaý» baby boiynsha qylmystyq is qozǵaldy.
Tergeý barysynda jas er adamnyń elorda aýmaǵynda osyǵan uqsas qylmys jasaǵany úshin izdestirilip jatqany anyqtaldy. Aǵymdaǵy jyldyń ishinde ol kem degende bir adamdy tonap, áielden eki uialy telefon urlap áketken. Qazirgi kezde ustalǵan er adamnyń buryn jasalǵan osyǵan uqsas qylmystarǵa qatysy anyqtalýda.
Nur-Sultan qalasynyń Politsiia departamenti azamattardy qyraǵy bolýǵa eskertedi. Qoǵamdyq oryndarda júrgende qymbat zattaryńyz ben iri aqshany ózgelerge kórsetpeýge tyrysyńyz.
«Eger sizge qatysty zańǵa qaishy áreketter jasalsa, birden politsiia bólimine habarlaýyńyzdy suraimyz»,-delingen habarlamada.
