ەلوردادا بويجەتكەنمەن عالامتورداعى ارنايى سايتتا تانىسقان جٸگٸت ونى بٸرٸنشٸ كەزدەسۋٸندە توناپ كەتتٸ, دەپ حابارلايدى "ۇلت اقپارات" نۇر-سۇلتان قالاسى پوليتسييا دەپارتامەنتٸنٸڭ باسپاسٶز قىزمەتٸنە سٸلتەمە جاساپ.
«بويجەتكەن جٸگٸتپەن «Badoo» قوسىمشاسىندا تانىسقان. ونلاين ارقىلى بٸراز ارالاسقان ولار كەزدەسپەك بولعان. سەرۋەن كەزٸندە جاس جٸگٸت دٶرەكٸ مٸنەز تانىتىپ, قىزدىڭ قولىنان ۇيالى تەلەفونىن جۇلىپ الىپ, كەتٸپ قالعان. سول كٷنٸ قاسكٷنەم موبيلدٸك بانكينگتٸ پايدالانىپ, سول ارقىلى دٷكەندەردەن تاۋار ساتىپ الىپ جٷرگەن كەزٸندە بەينەتاسپالارعا تٷسٸپ قالعان. كەلەسٸ كٷنٸ ۇرلاعان «Samsung-12» تەلەفونىن كٶشەدەگٸ ادامعا ساتىپ جٸبەرگەن», - دەپ حابارلادى دەپارتامەنتتٸڭ باسپاسٶز قىزمەتٸ.
28 جاستاعى ەر ادام جەدەل-ٸزدەۋ شارالارى بارىسىندا ۇستالدى. وعان قاتىستى «توناۋ» بابى بويىنشا قىلمىستىق ٸس قوزعالدى.
تەرگەۋ بارىسىندا جاس ەر ادامنىڭ ەلوردا اۋماعىندا وسىعان ۇقساس قىلمىس جاساعانى ٷشٸن ٸزدەستٸرٸلٸپ جاتقانى انىقتالدى. اعىمداعى جىلدىڭ ٸشٸندە ول كەم دەگەندە بٸر ادامدى توناپ, ەيەلدەن ەكٸ ۇيالى تەلەفون ۇرلاپ ەكەتكەن. قازٸرگٸ كەزدە ۇستالعان ەر ادامنىڭ بۇرىن جاسالعان وسىعان ۇقساس قىلمىستارعا قاتىسى انىقتالۋدا.
نۇر-سۇلتان قالاسىنىڭ پوليتسييا دەپارتامەنتٸ ازاماتتاردى قىراعى بولۋعا ەسكەرتەدٸ. قوعامدىق ورىنداردا جٷرگەندە قىمبات زاتتارىڭىز بەن ٸرٸ اقشانى ٶزگەلەرگە كٶرسەتپەۋگە تىرىسىڭىز.
«ەگەر سٸزگە قاتىستى زاڭعا قايشى ەرەكەتتەر جاسالسا, بٸردەن پوليتسييا بٶلٸمٸنە حابارلاۋىڭىزدى سۇرايمىز»,-دەلٸنگەن حابارلامادا.
