Elordadaǵy «Astanalyq» saýda úiiniń mańynda bolǵan janjalǵa qatysqan jastardyń ústinen ákimshilik is qozǵaldy.
Bul jaiynda Nur-Sultan qalalyq politsiia departamentinen málim etti, dep habarlaidy "Ult aqparat".
«16 mamyr kúni saǵat 20:38-de «102» kanalyna «Astanalyq» saýda úiiniń janynda jastardyń janjaldasyp jatqany týraly habarlama tústi. Oqiǵaǵa qatysýshylardyń barlyǵy ustalyp, «Baiqońyr» aýdandyq politsiia basqarmasyna jetkizildi. Ákimshilik óndiris qozǵaldy. Nur-Sultan qalalyq politsiia departamenti azamattarǵa qoǵamdyq tártipti buzǵany úshin jaýapkershilik bar ekendigin eskertedi», - dedi qalalyq politsiia departamentinen.
Aita keteiik, Instagram-daǵy astanovka98 paraqshasynda taraǵan videoda avtor qara kiimdi boijetkenniń gaz ballonyn shashyp jibergendigin aitady.
Al boijetken bolsa: «Men transgendermin. Jynysymdy aýystyrǵanmyn», dei kele gaz ballonyn shashpaǵandyǵyn aityp aqtaldy.
