Nur-Sultan qalasyndaǵy kúrdeli jóndeý jumysy júrip jatqan jastar saraiynyń qashan paidalanýǵa beriletini belgili boldy.
Bul týraly Nur-Sultan qalasy jastar saiasaty máseleleri basqarmasynyń basshysy Dáýlet Káribek QazAqparat tilshisine bergen suhbat barysynda málim etti.
«Búginde «Jastar saraiynda» tolyqtai qaita jóndeý jumystary júrip jatyr. Sebebi ǵimaratqa jóndeý jumystary sońǵy ret 1996 jyly júrgizilgen, odan keiin jóndeý kórmegen. Onyń ishinde kontserttik zal, kitaphana, sportzal jáne bassein bar. Jospar boiynsha ústimizdegi jyldyń jeltoqsan aiynda jóndeý jumystary aiaqtalyp, paidalanýǵa beriledi dep kútýdemiz», - dedi D. Káribek.
Sondai-aq, basqarma basshysy jańa ortalyqtyń basty qyzmetine toqtalyp ótti.
«Jóndeý jumystarynan keiin jańa kovorking elorda jastarynyń igiligine beriledi. Onyń ishinde balalar men jastarǵa arnalǵan úiirmeler, seminar, treningter, mádeni jáne sporttyq sharalar uiymdastyrylatyn bolady», - dedi ol.
