Dárigerler elordadaǵy kópirde bolǵan jol apatynan aman qalǵan 18 jastaǵy qyzdyń jaǵdaiy týraly málimet berdi, dep habarlaidy QazAqparat.
Dárigerlerdiń aitýynsha, búgin naýqasty palataǵa aýystyrý josparlanǵan.
«Qyzdyń jaǵdaiy turaqty. Búgin ony palataǵa aýystyrýdy josparlap otyrmyz», - dep habarlady akademik Nurlan Batpenov atyndaǵy Ulttyq travmatologiia jáne ortopediia ǵylymi ortalyǵynyń mamandary.
Eske sala keteiik, 30 qyrkúiek kúni saǵat 00:34-te Toyota Camry avtokóliginiń 19 jastaǵy júrgizýshisi Esil ózeni arqyly ótetin kópirden Saraishyq kóshesine qarai bettegen boida jyldamdyqty asyryp, tizginge ie bola almai, qarsy jolaqqa shyǵyp ketken edi. Sóitip ol Nexia Ravon avtokóligimen soqtyǵysyp, 5 adam qaza tapty.
Apattan «Toyota Camry» avtokóligindegi jolaýshy qyz ǵana aman qalyp, ol shuǵyl túrde akademik Nurlan Batpenov atyndaǵy Ulttyq ǵylymi travmatologiia jáne ortopediia ortalyǵyna jetkizilgen.
