Elorda ákimi Altai Kólginov qazaq drama teatrynyń qurylys barysymen tanysty, dep habarlaidy "Ult aqparat" qalalyq ákimdiktiń resmi saityna siltme jasap.
Teatr Elbasynyń tapsyrmasyna sáikes salynýda. Teatr qurylysymen «Samuryq-Qazyna» ulttyq ál-aýqat qory ainalysyp jatyr. Keshen 800 orynǵa eseptelgen, 3 qabattan turady. Nysan J. Nájimedenov, A. Baitursynov jáne 23-15 kósheleriniń qiylysynda ornalasqan.
Qala ákimi Altai Kólginov qurylys jumystarynyń kestege sáikes júrip jatqanyn atap ótti. «Aýmaqty abattandyrýǵa belsendi kirisý qajet. Barlyq jumystar sanitarlyq normalardy qatań saqtai otyryp júrgizilýi tiis. Qurylys jumystary biyl aiaqtalady».
Sonymen qatar, elorda ákimi Altai Kólginov myńjyldyq aýdanyndaǵy injenerlik-kommýnikatsiialyq jelilerdiń qurylysymen tanysty. Bul jumystar aýdandy elektr energiiasymen qamtamasyz etýge múmkindik beredi.
