Budan buryn elordanyń politseilerine tapsyrylǵan «Ramada Plaza» qonaq úi kesheni Qarjy ministrliginiń balansyna berildi, dep habarlaidy "Ult aqparat".
«Nur-Sultan qalasy ákimdiginiń 2019 jylǵy 12 qarashadaǵy qaýlysyna sáikes, burynǵy «Ramada Plaza» qonaq úi kesheniniń ǵimaraty respýblikalyq menshikke – Qarjy ministrliginiń memlekettik múlik jáne jekeshelendirý departamentiniń balansyna beriledi. Qazirgi ýaqytta qurylys jáne turǵyn úi saiasaty basqarmasy men QR QM Memlekettik múlik jáne jekeshelendirý departamentiniń arasynda qabyldaý-tapsyraý aktilerine qol qoiylyp jatyr», - dep habarlady Nur-Sultan qalasy ákimdiginiń baspasóz qyzmetinen.
Eske sala ketsek buǵan deiin «Ramada Plaza» qonaq úi keshenine qalalyq politsiia departamentiniń qyzmetkerleri baratyny habarlanǵan bolatyn.
«Ramada Plaza qonaq úiin elordalyq politseilerge surap otyrmyz», - degen edi byltyr Ishki ister ministri qyzmetin atqarǵan Qalmuhanbet Qasymov.
Tipti ol Ramada Plaza qonaq úiine birinshi bolyp astanadaǵy Baiqońyr aýdanynyń politseileri kóship baratynyn málim etken edi.
