Nur-Sultan qalasyndaǵy «Ýniversal» saýda ortalyǵynda órt shyǵyp, qalalyq órt sóndirý qyzmeti qyzyl jalyndy óshirdi, dep habarlaidy QazAqparat.
Aldyn ala derekter boiynsha órt saǵat 9:40-ta bastalǵan jáne ǵimarattyń sol jaq qanatynyń úshinshi qabatynda boldy. Órt sóndirýshiler 9:48-de keldi. Saýda ortalyǵynyń jalpy aýmaǵy 14 029,4 sharshy metrdi quraidy, órt 2 jáne 3 qabattardy qosa alǵanda 6 700 sharshy metr aýmaqty sharpydy.
«Ýniversal» saýda ortalyǵynyń ǵimaraty zań júzinde Jusan Bank-ke tiesili, degenmen Bank ákimshilik basqarýǵa almaǵan.
«Ǵimaratty «Meridian NS» JShS jalǵa alǵan jáne ári qarai qoldanyp keledi. Bank, jalǵa alýshy jáne ǵimarattyń burynǵy menshik iesi arasyndaǵy uzaqqa sozylǵan sot daýlary men kelispeýshilikter, sondai-aq olardyń ornalasqan ǵimaratty óz erkimen bosatýdan bas tartýy jaǵdaiynda saýda ortalyǵy bank menshigine ótken sátten bastap jalǵa alýshylarmen ózara qarym-qatynastardy jáne órt qaýipsizdigin qosa alǵanda, ǵimaratty ákimshilik basqarý jónindegi birqatar máseleler osy kúnge deiin ashyq kúiinde qalyp otyr, - deidi Jusan Bank basqarýshy direktory Ashat Adylbekov. – Baqytymyzǵa orai, bank saýda ortalyǵyna bergen kúzet qyzmetiniń ýaqtyly jáne jedel áreketteriniń arqasynda adamdardy der kezinde evakýatsiialap, órt zardabynyń aldyn aldy».
Qazirgi ýaqytta ortasha jaraqat alǵan bir jábirlenýshi týraly aqparat bar. Mamandar órttiń yqtimal sebepterin anyqtap, ǵimarattyń iesi men saýda ortalyǵyn jalǵa alýshylarǵa keltirilgen zalaldy baǵalaýy kerek.
