Álem tennisiniń juldyzdary, ispan Rafael Nadal men serb Novak Djokovich elordada ózara match ótkizedi, dep habarlaidy "Ult aqparat".
QR Ulttyq Olimpiadalyq komitetinen málim etkendei, sport juldyzdarynyń oiyny qaiyrymdylyq matchy aiasynda uiymdastyrylady. Kezdesý «Barys Arenada» 24 qazan kúni ótedi. Búginde biletterdiń satylymy bastaldy. Túsken barlyq qarajat qaiyrymdylyqqa baǵyttalady.
Aita keteiik, 32 jastaǵy Novak Djokovich álemdik reitingte kósh bastap tur. Al 33 jastaǵy Nadal ekinshi orynda keledi. Olardyń ekeýara kezdesýi tennis tarihyndaǵy eń qyzyqty jekpe-jek atalyp otyr. Osy ýaqytqa deiin 54 match ótkizdi. Búgingi esep - 28:26, serbiialyq tennisshi alda. Olar alǵash ret kortta 2006 jyly Roland Garros týrnirinde kezdesken bolatyn.
