Koronavirýs juqtyryp alǵan bolýy múmkin elorda turǵyndaryna meditsinalyq kómekti ýaqytyly kórsetýge baǵyttalǵan jumystar atqarylyp jatyr. Bul týraly Habar24 arnasynda ótken onlain brifingte aityldy, dep habarlaidy QazAqparat.
«Búgingi tańda statsionarlyq em alyp jatqandar ishinde eki adamnyń densaýlyq jaǵdaiy turaqty aýyr. Olar jasandy tynys alý qurylǵysymen jatyr. Klinikalyq hattamaǵa sáikes em alýda. Qalǵan naýqastardyń densaýlyq jaǵdaiy qanaǵattanarlyq», - deidi Nur-Sultan qalasynyń qoǵamdyq densaýlyq saqtaý basqarmasynyń basshysy Sáýle Qisyqova.
Onyń aitýynsha, Koronavirýs juqtyryp alǵan bolýy múmkin elorda turǵyndaryna meditsinalyq kómekti ýaqytyly kórsetý maqsatynda qaladaǵy temirjol aýrýhanasyndaǵy pýlmonologiia bólimi keńeitilgen.
«Bul jerde koronavirýsty infektsiia bar-joǵyn anyqtaý úshin diagnostika jasalady. Ary qalai naýqasty emdeý ádisteri qaralady. Sondai-aq, №2 qalalyq aýrýhana bazasynda observatoriialyq emhana ashyldy. Bul jerde bir aýysymda 150 adam qarala alady. Koronavirýs anyqtalǵan eki naýqas osy meditsinalyq nysanda jatyr», - dep tolyqtyrdy basqarma basshysy.
