Elordaǵa kirip, shyǵatyn joldardaǵy blokpostar ázirshe alynbaidy. Bul týraly Habar-24 telearnasynyń tikelei efirinde Nur-Sultan qalasynyń ákimi Altai Kólginov aitty, – dep habarlaidy QazAqparat.
«Biz úsh baǵytta jumys istep jatyrmyz. Birinshisi - syrtqy shekaranyń jabylýy. Alǵashqy virýstyń shetelden kelgendigin jáne sodan keiin baryp taralǵandyǵyn eskere otyryp halyqaralyq reister toqtatyldy», - dedi ol.
Elorda ákiminiń aitýynsha, ekinshi baǵytta ishki shekaralar, iaǵni, óńiraralyq shekaralardy jabý jumystary qolǵa aldyndy.
«Qazirgi ýaqytta ár óńirdegi epidemiologiialyq ahýaldyń ártúrli ekendigin kórip otyrmyz jáne blokpostardyń arqasynda ózin-ózi oqshaýlaý, áleýmettik ara qashyqtyq rejimin qamtamasyz etip, virýsty oqshaýlai aldyq», - dedi Altai Kólginov.
Onyń aitýynsha, úshinshi baǵytta qalada oramishilik baqylaýdy kúsheitý jumystary júrgizildi. Bul da virýstyń taralýyna qatysty jaǵdaidy baqylaýǵaalýǵa múmkindik berdi.
«Maýsym aiynda temir jol qatynasy qaita jandanatyn bolady. Osyǵan orai blokpostqa qatysty máseleni qarastyryp jatyrmyz. Biraq, mamyr aiynyń sońyna deiin blokpostardy almaimyz», - dedi Nur-Sultan qalasynyń ákimi.
