Elordadaǵy barlyq eskertkishter biyl qaita jóndeýden ótkiziledi. Bul týraly búgin elorda ákimdiginde ótken keńeitilgen keńeste Nur-Sultan qalasy ákiminiń orynbasary Baqtiiar Máken aitty, dep habarlaidy "Ult aqparat".
«Ekinshi dúniejúzilik soǵystaǵy jeńistiń 75 jyldyq merekesine orai sharalardy bekitilgen josparǵa sáikes bilim mekemelerinde, joǵary oqý oryndarynda aqpan aiynan bastaimyz. Qazir eń jas ardagerimizdiń jasy 91-de. 52 ardagerimiz bar. Shynyn aitsaq, saýsaqpen sanarlyq qana ardagerimiz qaldy. Sol kisilerge de erekshe kóńil aýdarýymyz qajet. Biraz ardagerimiz qalada tirkelgenimen aýylda turyp jatyr. Biraq, biz olardy aýyl, qala dep bólmei teń deńgeide qaraimyz», - dedi ol.
Ákim orynbasary elordada Ekinshi dúniejúzilik soǵysqa arnalǵan «Otan Ana» monýmenti bar ekendigin eske saldy.
«Ol biraq eskirip qaldy. Sondyqtan kúrdeli jóndeý úshin arnaiy qarajat bóldik. Tolyǵymen kúrdeli jóndeý jumystaryn júrgizemiz. Ony sáýir aiyna deiin bitirýimiz kerek. 9-mamyrǵa deiin daiyn bolýy tiis. Jalpy, qalada barlyq eskertkishterdi jóndeýden ótkizemiz. Abai kóshesindegi Abai eskertkishinen bastap barlyǵyn qaitadan jańartyp, abattandyramyz», - dedi Baqtiiar Máken.
