QR IIM jáne Nur-Sultan qalalyq politsiia departamentiniń qyzmetkerleri aýyr qylmys jasaǵan kúdiktilerdi bir táýlik ishinde qolǵa túsirdi, dep habarlaidy "Ult aqparat".
«25 tamyz kúni Jedel basqarý ortalyǵyna Maman kóshesinde atys bolyp jatqany týraly habar kelip túsken. Oqiǵa ornyna jetken politseiler jaǵdaiǵa kóz jetkizdi. Bir top adam janjaldasyp, ashýǵa býlyqqan bireýi basqalarǵa qarýdan oq jaýdyrǵan. Saldarynan 4 adam jaralandy. Onyń bireýi aýrýhanaǵa jetkizilgen soń kóz jumdy. Kúdiktiler oqiǵa ornynan izin jasyrǵan» delingen habarlamada.
Elordalyq politseilerdiń shuǵyl áreketiniń arqasynda kúdiktiler bir táýlik ishinde ustaldy. Qazirgi ýaqytta olar qamaýǵa alynǵan. Atalmysh iske qatysy bar barlyq adam anyqtaldy. Sotqa deiingi tergeý júrip jatyr.
Oq atylǵan qarý-jaraq tabylyp, tiisti sot-meditsinalyq saraptama taǵaiyndalǵan. Mán-jaidy anyqtaý kezinde oqiǵa qatysýshylary arasyndaǵy janjal dushpandyq qarym-qatynas negizinde týyndaǵany belgili boldy.
