Elordadaǵy «Astana Arena» sport kesheniniń shatyry qalyń qardy kótere almai, ortasyna opyrylyp tústi, dep habarlaidy "Ult aqparat".
«Búgin tańǵy saǵat 08:00 shamasynda jaýyn-shashynnyń saldarynan keshen shatyryndaǵy polikarbonattyq plitkalar qulap tústi. Qazir shatyrdy qalpyna keltirý jumystary júrip jatyr. Adam shyǵyny men zardap shegýshiler joq», - dep túsinikteme berdi «Astana Arena» sport kesheniniń direktory Dmitrii Antonichev.
Onyń aitýynsha, sport kesheniniń shatyry shyny plitka bolǵandyqtan, onyń ústindegi qardy tazalaý múmkin bolmai otyr.
Aita ketsek, atalǵan keshen tóbesiniń opyrylyp túskeni týraly Facebook áleýmettik jelisine elordalyq turǵyn jariialaǵan bolatyn.
