Elordadaǵy Jienqulov kóshesindegi qurylys materialdary órtendi, dep habarlaidy "Ult aqparat" Nur-Sultan qalasynyń Tótenshe jaǵdailar departamentine silteme jasap.
Osydan jarty saǵat buryn áleýmettik jelide elordanyń aspanyna kók tútinniń kóterilgen fotosýreti tarap ketken bolatyn.
«Búgin saǵat 10.38 ýaqytynda Órt sóndirý qyzmetine Jienqulov kóshesi 12/2 mekenjaiynda órttiń shyqqany týraly habarlama tústi. 6 minýttan keiin oqiǵa ornyna jetken órt sóndirýshiler ashyq aýmaqta qurylys materialdary (poddondar men penoplekstar) órtenip jatqanyn anyqtady. Jalyn jalpy aýmaǵy 100 sharshy metr jerdi sharpyǵan», - dep habarlaidy departamentten.
Sonymen qatar qurylys materialdary toly 40 tonnalyq konteinerge de zaqym kelgen. Saǵat 11.01-de órt aýyzdyqtaldy. Zardap shekkender nemese jaraqat alǵandar joq.
