Elorda kósheleriniń birinde bir mezette 7 kólik soqtyǵysty, dep habarlaidy QazAqparat.
«Saǵat 08.10 shamasynda Mercedes avtokóliginiń 42 jastaǵy júrgizýshisi Buhar jyraý kóshesinen Túrkistan kóshesi arqyly Orynbor kóshesine qarai júrip kele jatyp, tizginge ie bola almai, aldynda turǵan alty kólikpen soqtyǵysýyna sebepker bolǵan. Sonyń saldarynan Mercedes avtokóliginiń ekpininen jol boiynda turǵan KIA Cerato avtokóligi jol jiegine shyǵyp ketken», - delingen qalalyq departamenttiń baspasóz qyzmeti.
Apat saldarynan birneshe adam zardap shekken.
«Tórt júrgizýshi men bir jolaýshy jaraqat alyp, meditsinalyq kómek kórsetý úshin aýrýhanaǵa jetkizildi. Atalǵan fakti boiynsha anyqtaý jumystary júrip jatyr. Politsiia departamenti júrgizýshilerdi qozǵalys kezinde barynsha muqiiat bolýǵa, jyldamdyq rejimin, qaýipsiz qashyqtyqty jáne manevr jasaý erejelerin múltiksiz saqtaý kerektigin eskertedi», - dedi departament ókilderi.
