Memlekettik hatshy Qyrymbek Kósherbaev Jambyl Jabaevtyń 175 jyldyǵyna arnalǵan mereitoilyq jyldyń saltanatty ashylý rásimine qatysty, dep habarlaidy Aqordanyń baspasóz qyzmeti.
Qazaqstanda jyr alyby Jambyl Jabaevtyń 175 jyldyq mereitoiyn resmi túrde merekeleý bastaldy.
Qazaqstan Respýblikasynyń Memlekettik hatshysy, Jambyl Jabaevtyń 175 jyldyq mereitoiyn daiyndaý jáne ótkizý jónindegi memlekettik komissiianyń tóraǵasy Qyrymbek Kósherbaev elordadaǵy Jambyl eskertkishine gúl shoqtaryn qoiyp, Q.Qýanyshbaev atyndaǵy Memlekettik akademiialyq qazaq mýzykalyq drama teatrynyń jańa ǵimaratynda mereitoilyq jyldy saltanatty túrde ashty. Jiynǵa resmi tulǵalar, mádeniet jáne ǵylym qairatkerleri, Almaty jáne Jambyl oblystary delegatsiialarynyń ókilderi qatysty.
Merekelik keshtiń qonaqtary jańa teatr foiesinde uiymdastyrylǵan Jambyl Jabaev murajaiynyń ekspozitsiiasymen tanysty. Qazaqstan Respýblikasynyń mádeniet jáne sport ministri Aqtoty Raiymqulova saltanatty is-sharada baiandama jasady. Ol Táýelsizdigimizdiń qalyptasýynyń syndarly kezeńinde Qazaqstannyń Tuńǵysh Prezidenti-Elbasy Nursultan Nazarbaev halqymyzdyń uly aqyndary Abai men Jambyldyń 150 jyldyǵyn laiyqty atap ótý týraly sheshim qabyldap, mereitoilarǵa erekshe mártebe men mańyz bergen shirek ǵasyr burynǵy tarihi sátti eske saldy.
Biyl Táýelsizdiktiń 30 jyldyǵy aiasynda jyr alyby Jambyl Jabaevtyń 175 jyldyǵy atap ótilýde. Memleket basshysy Q.Toqaevtyń Jarlyǵymen uly aqynnyń mereitoiyn joǵary dárejede uiymdastyryp, mazmundyq deńgeiin qamtamasyz etý maqsatynda arnaiy memlekettik komissiia quryldy. Bul Jambyldyń biregei murasyn tereń uǵynýǵa, ony zamandastarymyz ben jastarǵa nasihattaýǵa jáne aqyn shyǵarmalarynyń úlken suranysqa ie bolýyna yqpal etedi.
A.Raiymqulova bolashaq urpaq úshin rýhani qazynany saqtaýdyń jáne izgiliktiń san ǵasyrlyq ideialaryn búkil álemge jetkizýdiń úlken jaýapkershiligi ultymyzǵa júktelgenin atap ótti. Onyń aitýynsha, barlyq kúsh-jiger «Rýhani jańǵyrý» jalpyulttyq baǵdarlamasyn odan ári iske asyrý, Uly dalanyń rýhani murasyn tanymal etý jáne Táýelsizdigimizdiń qasietti qundylyqtaryn nyǵaitý jónindegi aýqymdy jumystarǵa baǵyttalatyn bolady.
Saltanatty is-shara Jambyldyń 175 jyldyǵyna arnalǵan merekelik kontsertpen jalǵasty. Q.Qýanyshbaev atyndaǵy Memlekettik akademiialyq qazaq mýzykalyq drama teatry men «Astana Opera» memlekettik opera jáne balet teatrynyń simfoniialyq orkestriniń artisteri kórermenderge «Jyr alyby – Jambyl» atty teatrlandyrylǵan qoiylym usyndy. Uly aqynnyń baǵa jetpes murasyn, ózindik ereksheligi men darynyn ashyp kórsetetin ádebi-mýzykalyq kompozitsiiada onyń belgili aitystary men áigili «Keń baitaq Qazaqstanym», «Aqyndarǵa arnaý», «Kúláshqa», «Leningradtyq órenim!» jáne t.b. shyǵarmalary qamtylǵan.
Merekelik baǵdarlamada Qurmanǵazy atyndaǵy Qazaq ulttyq halyq aspaptary orkestriniń, N.Tilendiev atyndaǵy «Otyrar sazy» Akademiialyq folklorlyq-etnografiialyq orkestriniń, «Jastar» teatrynyń, «Astana Balet» teatrynyń artisteri, «Qorqyt» etno-ansambliniń, «Qulansaz» folklorlyq-etnografiialyq ansambliniń, K.Ázirbaev atyndaǵy Jambyl oblystyq filarmoniiasynyń, «Akak» komýzshylar ansambliniń (Qyrǵyzstan) jeke oryndaýshylary óner kórsetti. Ataqty aqynnyń mereitoiyna Qazaqstan halyqtary Assambleiasy etnomádeni birlestikteriniń artisteri, «Nomad» balalar horeografiialyq ansambli, «Vainah» sheshen-ingýsh halyq ansambli jáne t. b. óz shyǵarmalaryn arnady.
Búgin, 26 aqpan kúni elimizdegi jáne shet elderdegi qalalar men eldi mekenderde Jambyl Jabaevtyń eskertkishteri men biýstterine gúl shoqtary qoiylyp, ártúrli mádeni is-sharalar ótkizildi.
