2013 jyldan beri elordada apatty úilerdi ysyrýǵa arnalǵan qanatqaqty joba júzege asyrylýda. Biylǵy jyldyń sońyna deiin 111 úidiń súrý josparlanyp otyr. Apatty jaǵdaidaǵy bul úilerde turatyn 1700 otbasyǵa qalanyń basqa aýdanynan baspana usynylyp otyr, dep málimdedi elorda ákimdiginiń media ortalyǵynyń tilshisine Astana qalasy Turǵyn úi basqarmasy basshysynyń orynasary Ashat Eleýjanov.
Joba boiynsha súrilýge negizinen tozyǵy jetken, ótken ǵasyrdyń 40-70 jyldary salynǵan úiler jiberiledi. Basqarma ókiliniń sózinshe, bul úilerde turý turǵyndardyń ómiri men densaýlyǵyna qaýipti.
Qanatqaqty jobanyń shartyna sáikes, apatty baspananyń ornyna páter iesine qalanyń basqa aýmaǵynan dál sol aýdanǵa sáikes baspana beriledi.
Turǵyn úi basqarmasynyń ókili bul jaǵdaida jańa baspana berilgende turǵyn úidiń bólmesi men otbasy músheleriniń sany esepke alynbaidy. Tek turǵyn úidiń jalpy aýdany ǵana eskeriledi.
2013 jyldan beri elordada 117 apatty jaǵdaidaǵy úi ysyrylyp, 1500 otbasy jańa orynǵa qonystandy.
«Búgingi tańda elordanyń keibir turǵyndarynda tótenshe jaǵdaida turǵan apatty úilerdi súrý jumysy aldaǵy EKSPO kórmesimen bailanysty degen jańsaq pikir bar. Negizinde ol jobaǵa sáikes aǵymdaǵy jumys. 2017 jyldyń sońyna deiin Astanada 1700 otbasylyq 111 apatty úidi surý kózdelip otyr», — dedi A. Eleýjanov.
