2021 jyldyń basynan beri karantin talaptaryn buzýdyń 635 faktisi anyqtaldy. Bul týraly Nur-Sultan qalalyq politsiia departamenti Jergilikti politsiia qyzmetiniń basshysy Arman Aitmaǵambetov aitty, dep habarlaidy QazAqparat.
«Bizge túrli bailanys quraldary arqyly azamattardan biznes nysandarynyń karantin rejimin buzǵany týraly habarlamalar kún saiyn túsip turady. Jyl basynan beri karantin rejimin buzýdyń 635 faktisi anyqtaldy. Onyń ishinde túngi klýbtar, meiramhanalar, dámhanalardyń karantin rejimin buzǵany týraly 532 fakti, dúkender, saýda ortalyqtary, bazarlarda 51 fakti shashtarazdar, sulýlyq salondar, saýnalarda 26 fakti anyqtaldy. Karantin talaptaryn buzýǵa qatysty anyqtalǵan faktiler boiynsha materialdar Nur-Sultan qalalyq taýarlar men kórsetiletin qyzmetteriń sapasy men qaýipsizdigin baqylaý departamenti jiberildi», - dedi Arman Aitmaǵambetov elorda ákimdiginde ótken brifing barysynda.
Sonymen qatar ol búgingi kúnge deiin 140 zańdy tulǵa 29 mln teńgeden astam somaǵa ákimshilik aiyppul arqalaǵanyn aitty.
